طوق الورود @tok_alorod

كبيرة محررات

استخدام الخل للثياب

هلا باخواتي الغاليات

قرات من فترة بالمنتديات ان مسحوق الغسيل مع الخل

يخلي الثياب ناصعة البياض

فاللي جربت هالطريقة بالغسيل ونفعت معاها ياليت تخبرنا فيها

وهل استخدام الخل في غسل الثياب له اضرار على الثياب

انه يتلف الاقمشة بعد فترة

اتمنى اللي جربت ترد علي والله يجزاها الجنة

يلزم عليك تسجيل الدخول أولًا لكتابة تعليق.

تسجيل دخول

رحيييل • 15 سنة

ياليت البنات يفيدونا

طوق الورود • 15 سنة

يسلمو حبيبتي رحيل على مرورك الرائع

فرح الطفولة • 15 سنة

انا دايم اغسل الملابس البيضاء بالخل

فعلا رووعه وتخلي الملابس بيضاااااء وناصعه وينظف...

طريقتي ..

اعبي الغساله مويه واحط الصابون والخل قد بيالتين ..واحط النيله واحط الكمفورت ...واشغل الغساله علشان تختلط المواد ..

واوقفها واحط الملابس فيها واخليه تغسلهم وافرها مرتين او ثلاث ..

والله الملابس تطلع كنها قرااطيس

اعتمدت الخل...حتى اشتري منه جركل كبير

**فنجان قهوه** • 15 سنة

الخل يزيل البقع المستعصيه

ندىالمطر • 15 سنة

انا جربتها..حليوة..

بعد ما تعبين الغسالة كالمعتاد تضيفين نص كاس خل ابيض..

وتشغلينها شوي عشان يذوب الصابون ..وحطي الملابس البيضاء..خليها تدور بالغساله خمس دقايق..

ثم خليها تنقع بالغساله لمدة ساعه الى ساعتين..

بعدين شغلي عليهم الغساله فره كامله ..يعني ربع ساعة..

ثم اشطفيهم ..

انا حطيتهم بكومفت عشان الريحة..

ومو في كل غسله تسوينها..أحسها تتلف الانسجة.. خليها كل شهر شهرين..على حسب القطعه وش كثر تغسلينها..