استخرتي الله في شخص تحبينه وصرفه الله عنكي ,,وشو تجاربكن يا بنات

لااله الا الله محمد رسول الله

اللهم صلي وسلم على محمد


انا بقولك تجربتي .... تقدم لي واحد من اقاربنا و الكل يمدح فيه حتى امي كان تحاول فيني ارضى و امي قد ردت غيره كثير بس تقول الولد هدا فيه خير
..وانا تعلقت فيه وقلت لأمي موافقه بس بستخير برضو
واستخرت وبرضو ارتحت ووافقت


وبعد كم يوم وقبل الخطوبة الرسمية ...جا اخوي الصغير وقالي انا مو مرتاح له مدري ليه صحيح هو طيب بس فيه شي مايريح

انا من يومها حسيت قلبي انقبض وصليت مره ثانية ورديت وافقت مره ثانية يعني مصممه عليه

وتمت الخطوبة وحبيته بززيادة كان مره دوق ..مرت شهرين وانا مبسوطة معاه وقررو الملكة وانا بديت اجهز عمري

وفي ليله جت خالة الولد لامي وجلست تكلمها يجي ساعتين وانا قلبي مقبوض مدري ليه رغم انها مو اول مره تزورنا وهي وامي زي الأخوات واكثر بس خفت من جيتها
وبعد ماراحت سألت امي وكانت المصيبة....قالت لي انها شاكة انها رضعتك انتي وهو يوم كنتو صغار ......!!!!!

قلت لامي شك مو اكيد

قالت ... الرسول يقول ..اجتنبو مواطن الشبهات ........ويومها حسيت قلبي انكسر وبكيت بكي مو طبيعي وجلست ادعي على الحرمه ليه ساكته حتى دحين ويوم تعلق قلبي فيه جت

وطبعا تفركش كل شي ....رغم محاولات ام الولد ..وعشت ايام سودا

بعدها بفترة طلع الولد هدا شي ثاني وكل الكلام اللي يقولوه اهله مو صدق وطلع يدخن ويحشش من يوم هو بثانوية

حتى يقولون انه يشتغل بالأتصالات ...طلع لا يشتغل فيها ولا قد دخلها ..ابوه اللي يصرف عليه


تخيلو حتى الهدايا و طقم الخطوبة قال يبيها..!!! ولقيت اخته بزواج وجلست اكلمها عادي قالت اصلا بركه انك افتكيتي منه هو اصلا ماكان يبيك الا عشان وظيفتك...!!
قلت لها وليه ما قلتوا لي كل شي من البداية ..انتي ترضين حد ينصب عليك...؟؟ قالت والله انا ما مدحته قدامك وامي راح تدبحني لو طلعت عيوبه

لكن الحمد لله بعدها بسنة وشوي تزوجت واحد الله لا يحرمني منه وبس




يعني سبحان الله عنده كل شي له حكمه وتدبير

انا كمان خطبني شخص الكل مدحه واثنا عليه وانه باااار بامه وكلام كثيررررررر عنه وعن اخلاقه وستخرت اكثر من مره ودعيت و تعلقت فيه ولكن الله قدر وما ارتبطنا وبعدها بفتره طلعت الحقيقته وملفه الاسود .(الحمد كما ينبغي لجلال وجه وعضيم سلطاانه.)

طيب بنات بما انكو كنتم تحبو هالاشخاص .. كيف قدرتو تنسوهم ؟

انا بعد نفس حالتك حبيبتي
كنت متعقله فيه مره وكل ماادعي لنفسي ادعي له معي انه يتوفق بحياته عشان يجي يخطبني,,فعلا توفق ماشاءالله اشتغل وخذ له سياره وانا كنت ميته من الفرح بس راح تزوج وليومك هذا ماقدرت أنساه ولا اشيله من بالي وأتحسر على نفسي
ونفسي اسمع عنه اي شي عشان أكرهه...الله المستعان ربي يفرجها علينا