استخرت ربي بس محتاجة مشورتكم تكون مساعده ولو بكلمة تريحني

بنات أبي رأيكم ونصيحتكم بجد محتارة وتاعبني التفكير,,26عمري,ومتزوجة من ست شهور تقريبا من قريبي موافقتي كانت اولا ضغط من اهلي وعمتي أم زوجي تصير اخت بابا زي حكايةالحجز من سنين,بعدين اقنعوني ورضيت بالتجربة واني كمان ابي اتزوج واستقر واكون اسرة زي باقي البنات. .
كنت قبل اتزوج احب واحد بس ماصار بييننا نصيب وكنت اشوفه مثالي مو لأني احبه بس من تعامله مع خواته وأهله وحبه للثقافة والإطلاع واهتمامه برغبات الانثى ومن هالحكي . .
بس سبحان الله قلت خيرة فتزوجت ولدعمتي ماكنت مقتنعةفيه بس كنت متأمله بعد الزواج نتعلق ببعض واقدر اغيره واتعايش معه
وتعبت كثير وصبرت كثير من أيام ملكتي واناما احس له بإنجذاب وحب حاولت استمر حسيت بمعزه ممكن اهتم فيه اشتاق بس للأسف صدمني مو لاقيه فيه شي من احلامي ولا حبني الحب اللي كنت بتمناه وبصبر عشان حبه
أبد انسان جاهل وتعليمه اقل مني وغير كذا يحب الهجولة والخرجات والشباب وحاليا ما يبي الوظيفة ماله رأي وكلمة ما احس معاه بأمان ,تفكيري مختلف عنه كثير احب القراءة لي اهتمامات احب الحوار والتخطيط والتفاهم بكل شي ويعلم ربي قد ما أقدر ما أبين له هالاختلافات اسايره واتحمل جهله وعقليته المحدوده إلين نفذ صبري لما شفت هفواته واستهتاره زاد , واللي متعبني اكثر يسمع لكلام أمي بكل شي بعلاقتنا واعرفها عمتي تحب السيطرة بزياده وتموت بالمظاهرة وهالأمور, حاولت استوعبه واربيه إذا جاز لي التعبير بس مليت
من اربع شهور جابني عند اهلي متفقين فترة ونرجع مدينتنا مكان عمله بعد إجازته,وتفاجأت بأنه يبي يترك الوظيفة ويبي اعيش جنب اهله بمدينتهم ويبي بس اسمع لأوامره مع اني متأكده هذا كلام عمتي,حاليا متزاعلين بالأصح منفصلين أنا رافضه اعيش جنب اهله حتى لو لقي وظيفة ابي يستاجر بعيد وكله من خوفي انه بيعتمد عليه وبيبقى ع استهتاره وسهراته وانا آخر اهتمامه حتى اتصاله لي بالنادر هو بعمري يمكن ما وصل لمرحلة النضوج بس وش يصبري آذا حب وما احس بذاك وإذا عقل وماعنده سالفه وإذا ع اهله وما ينعاش معهم
افكر بالطلاق
وخايفه اندم
مع اني متأكده مو خسرانه شي
بس أهلي ما يبون الطلاق وتعرفون الخوف من نظرة المجتمع والمصير المجهول
وغير كذا متأمله اتزوج واحد يستاهلني ع الأقل الأشياء الأساسية بحياة كل بنت يلبيها لي
تعبت اصبر ع ان مايقدر يسفرني ولا حتى مشبعني عاطفه ولا يبي نستقر ويبقى بدوامه
حاسه مخنوقه وطاري الطلاق براسي
اخاف ارجع له واحمل وبعدين تصعب علي
واخاف اعاند وما ارجع واتشرط واندم
حاسه بحيرة انا مره حساسه وما راح اتحمل قربي من اهله خصوصا اني عارفتهم
ومو واثقه فيه يتغير ويستحق مني هالتضحيه
يبي يجيني بكرا يراضيني ويشوف وش ابي,ماقدرت ارتب كلامي
اللي احسه الحين اني مرتاحه عند اهلي وبس كلام الناس وسؤالهم عنه يتعبني شوي
انشغلت بهواياتي والقراءة وحسيت رجعت لعالمي احب الهدوء وما احب المشاكل ,قريت كثير عن الحياة الزوجية اتمنى اعيش بس مستققرة ومرتاحه وهو خالي من الاحاسيس ومادي مره زي اهله واللي يخوف شكوكي بانه ممكن يكون شاذ ويحب العيال! وإلا كيف تونا عرسان وما حسيت بلهفته وشوقه لي
ماعشت أيام ملكتي زي باقي البنات كان شحيح مرة باتصاله وحتى بشوفته نفسي احبه واشتاق نفسي الاقي فيه شي يشدني شي يخليني احبه
كثيرين لما استشيرهم يقولو عادي كذا بداية الزواج دائما بس انا اشوف وضعنا مو طبيعي احسه طفل احسه مو مستعد للزواج والمسؤوليه
والله تعبت اكتب سامحوني حاولت اوضح قد ما اقدر عشان تفهموني