MS-Dala3 @ms_dala3
عضوة جديدة
استخرت لـ"طلاقي"وما استخرت لـ"زواجي "..~> دعواااتكم
السلام عليكم ..
بدخل بالموضوع على طول .. أنا متزوجة من 9 شهور .. تقريبا ..
عمري 17 سنة توني داشة .. المشكلة انه بيني وبين زوجي فرق كبير في السن والتفكير والبيئة
أنا دلوعة أهلي وانسانة فرفوشة ع قولتهم ~> هذا قبل الزواج .. بس من تزوجت انقلبت 360ْ .. صرت
كله متضايقة .. مو مرتاحة معاه .. مايصرف علي .. ولا يشتري لي زي الناس .. بس شهر واحد عطاني
مصروف وبس .. وموبايلي يادوبك يشحنه لي .. أنا ملييت .. ماعاد أقدر أتحمل .. مع العلم
انه عنده خيير وربي منعم عليه بس ماسك ..
وأنا انسانة حساسة
لدرجة مو طبيعية .. طبعآ كنت .. بس ألحين ربي وهبني قوة قلب .. من اللي شفته بهالدنيا .. وأنا توني
بعمر صغير .. في يوم رجع من برى وشياطين الدنيا بعيونة .. أنا خفت .. لكن كل شي توقعته الا مدة الإيد الحمدلله انه مو كف .. بس ضربه تعور .. انفجرت فيه صياح لا تمد يدك .. أنا بس يرفع
صوته علي أخااف وحتى يكلع لي بكوابيسي .. كل يوم أفز من النوم أدور على دبدوبي إذا راح
من يدي ما أخبي عليكم هو الشي الوحيد اللي مونسني بغربتي .. بلا أهل .. ولا زوج ولا ربع
الضرب أنا طول عمري أكرهه لأني أبدآ ماتربيت عليه .. فـ من هذيك المرة وأنا ما أفكر بغير الطلاق .. وهالشي
يريحني .. صليت واستخرت .. وحسيت براحة "مع العلم اني ما استخرت لزواجي" .. أنا تزوجت وأنا
مترددة .. بس ماقدرت أتكلم .. وماكان حد يسألني .. وأنا ماكان عندي الجرأة اني أتكلم .. بس سكتت وهذا
أنا ألحين أعاني .. الضيقة اللي أعيشها ربي وحدة العالم فيها ..
أمس صليت ودعيت ان ربي يردني لبيت أهلي .. لأني خلااص ماعاد أقدر أتحمل .. وأهلي مو
داريين عني .. والمشكلة يوم أقول لهم عن شي من مشاكلي ما يصدقوني .. يتعذرون له .. أمس
قال لي ~> بعد يأس مني .. انه بيوديني لأهلي .. ياربي شكثر استانست اني أخيرآ بفتك من
هالهم .. وقال بنقول لهم عن المشكلة وهم يحكمون .. ويدورون حل .. وإذا مافي حل .. ...
طبعآ أنا متمسكة بالطلاق .. وخصوصآ انه للحين ماعندي يهال .. وهذا اللي أحمد ربي واشكره
عليه ..
وأنا أصلا أخاف منه .. ماأحس بالأمان معاه .. والحب نسيته .. ونسيت طعم الوناسة
دايمآ أسأل اللي حولي .. كيف تستانسون ؟؟ وربي حالتي تحزن ..
أنا أبا أتطلق لأني لو كملت معاه .. بكون مغصوبة عليه .. وهالشي اللي ما بااه ..
:44:
21
4K
يلزم عليك تسجيل الدخول أولًا لكتابة تعليق.
وتحلوووالحياة
•
طيب ليه تخافين منه وليه مد يده وضحي اكثر
ياقلبي الله معك استخري والخيره في ما اختاره اللهياقلبي الله معك استخري والخيره في ما اختاره الله
الصفحة الأخيرة