انت تحسبين امورهم زينه لا والله
بس لأنهم يكتمون فما تعرفين وش صاير لهم

عارفه والله انك تقصدين هم اللي عايشين واحنا لا

سالخيـــــــــــر عالصبايــــــا

حبيت اسلم عليكم .. جاز لي موضوعكم لانه منتشر خصوصا بينا اهل نجد "الجحاده"
انا مع هالشي وضده .. معه بالأشياء الشخصيه يعني زوجك جابلك شي مميز او كيف يعاملك لو تعامل حلو او وش مخططين عليه بالمستقبل لو شي كبير هالأشياء ماتنقال لانك ماتضمنين ان اللي انتي تتكلمين معاها متهنيه مع زوجها او لا لو لا بيحز بخاطرها وممكن تجيكم عين مو منها بس لأنك ذكرتي "أهل بسمالله" فهم اللي يحسدونك فالواحد ليش يذكر على نفسه

وبرضو الكتمان حلو بالمشاريع الكبيره مثلا بتسافرون بالصيف لديره برا مو من اول يوم دوام تبدا الوحده بنروح وبنروح وسوينا وحطينا وجهزنا واستعدينا والأغلب سبحان الله تتكنسل سفرتهم ليش لان الكلام بالشي كثير مو زين وخصوصا الصغار لا درو بشي خمس دقايق وهو منتشر ومو كل الناس تقدر تسافر او قدمتو بعثه مو من اول ميقدمون وهم ناشرين الخبر او وحده انخطبت مو من اول مايوافقون ينشرونه يعني يصبرون فتره الى ماتكون الامور توضحت وينشرونه

او بالحمل اذا حملت الوحده بعضهم تجحد هالشي الى التاسع خير ان شالله! كذا موب زين او ماتدرين الا فلانه ولدت !! هي متى حملت اصلا !! يعني مو زين الوحده تنشر الخبر من اول ماتعرف ولا زين انها تكتم الخبر الواحد يكون بالنص القرايب يعرفون بس و اذا ثبت الله حملها على خير ووصلت الرابع تقول وماراح يضرها شي ان شالله

بس انا ضده اذا كان بأمور تافهه مثل روحة سوق ! او طلعت مع زوجها ! او من النوع اللي تسحب اخبارك كلها ولا تاخذين منها معلومه .. او اي شي يحصل لأي احد بالايام العاديه اعتبره سخافه ووسواس وبالعكس كثرة الكتمان تخلي الناس ينبهون لهالشي اكثر يعني عرفو عنك من النوع اللي مايطلع اخباره يصير اذا درو عنك بشي قالو اييه ياحبها للجحاده وماعمرها تكلمت ومن هالكلام وكذا بتضرين نفسك اكثر يعني لو قلتيه من البدايه ماكان ركزو عليه

واهم شي قبل كل هذا ان الواحد يحصّن نفسه ويتوكل على الله وماراح يضره شي بإذن الله

اي والله يالغلا انا حامت تسبدي من هالاشكاااااال واذا شفت ناس كذا مااسال اخليهم هم يتكلموون ونا اسمع:22: ولا اذا تكلمت في بداية الكلام ماشا الله واختم الكلالام ماشا الله واذا بغو اتفل ماعندي مانع ويكرم السامعين

والله صدقت يامرت ابونا

بقول لكم قصتي مع سلفتي الله يهديها

لما نزلت للرياض فتره وطولت تقريبا شهرين بيتي جنب بيتها وكنت متواعده انا وياها بنروح للسوق

وتأخرت الحرمه علي ,, قمت وطليت مع الشباك الا والله تو اخت رجلي طالعه من عندها,, واخته هذي طيبه ودايما تسير علينا ,
المهم وتضرب لي جرس اللي اهي سلفتي وركب معها ,,, وسبحان الله توقعت انها تقولي ان فلانه اخرتني عنك ,,, بعد ساعه قلت لها الا وشلون فلانه اللي اهي اخت زوجي,,
توقعوا وش قالت ,, والله اني ما ادري عنها ومن زمان ما شفتها
واليوم الثاني تسير علي اخت زوجي هذي ,, ومع السوالف قالت انها مسيره على فلانه امس واليوم دورك اسير عليك