استراليا وماليزيا...ضروري

ألف مبروك أختي

ما عندي فكرة لا عن هذي ولا الثانية .

تلاقين اللي تبين على هذا الرابط :

http://forum.hawaaworld.com/showthread.php?t=356940

ماليزيا سرتلها في الصيف فيها 4 مناطق شهيرة
كوالالمبور العاصمة
وهي للتسوق والترفيه فيها حديقة حيوان وحديقة الفراشات والطيور والفواكه ومصانع الشنط والماركات المقلدة والمعابد الصينية والمعابد الهندوسية (بادو كيف)
ومدينة ترفيهية وسكنية أيضاً اسمها أفاموسا وفيها حيقة حيوان وعروض حيوانات وحديقة مائية
وفيه مركز تسوق اسمه ماينز وايد حلو في نصه بحيرة ممكن تركبين سفينه توديج للشط الثاني وتنزلج على حديقة ملاهي فيها عروض ورقص ومدينه جليدية وكل شي هناك روعه
والفندق اللي أنصحج فيه ريجنت 5 نجوم وممتاز في شارع العرب وجدامه مطاعم عربيه وسناتر وستاربكس
فيه فنادق حلوة مثل ماريوت وإستانا بس ريجنت الأفضل مادامج في شهر العسل :)

من كوالا ممكن تسيرون رحلة بالسيارة إلى جنتنغ
وهي منطقة مرتفعه على جبل وباردة جداً حلوة وايد عيبتني وهي عبارة عن ثلاث فنادق متصلة ببعضها البعض كمدينه ترفيهيه وسكنية شاملة لمركز تسوق ومطاعم داخلها وسيرك وملاهي والله تجنن
الفندق اللي أنصحج تسكنين فيه جنتنج هوتيل على قده بس أحسن من الثنينه الثانين ... يومين تكفي هناك ومن جنتنغ طيروا على لانكاوي أو بيننج وهذيلا عاد قمة الرومانسية جزر بحرية ورحلات بحر لو كنتي من عشاق البحر



الجو بصورة عامة حار ورطوبة على مدار السنة خذي ملابس خفيفة ماعدا جنتنغ باردة وايد
والأسعار مثل اسعارنا بالضبط ماشي فرق

بالنسبة لاستراليا بيكون جوهم حار
وسيدني حلوة بس ترى ما فيها اماكن كثير تتمشون فيها
روحوا جولد كوست احلى واوسع صدر
بالنسبة لسدني لا يفوتك تروحين منطقة الهاربر
واركبي الفيري اللي بالبحر مرة حلو يوديك للهاربر
وفي الجورج ستريت حلو وفيه اسواق
وفي منطقة لاكمبا منطقة عرب

انا استراليا ماعندي فكره عنها لكن ماليزيا لفيتها كلها وانصحك اذا انت اول مره ان تخططي لسفرتك قبلها بوقت في ماليزيا انصحك فها بكوالا لمبور وجنتنغ وبس الاولى اسكني بفندق التايم سكوير فندق متكامل (سوق وملاهي ومطاعم وسوبر ماركت )اماجنتنغ فيه فندق اوانا هذاالفندق في المنطقه االسفلى منها امالمنطقه العليا فهي بارده جدا يعني ماتقدرين لاتسوقين ولاتمشين لانها عباره عن منطقه مرتفعه جدا وهي ثلاث فنادق بينها مدينه ترفيهيه وفندق فيرست وارد موجود فيه سوق وبين المنطقتين السفلى والعليا يوجد تلفريك وعلى حساب الفندق تقدرين تطلعين كل يوم للاعلى واذا تبغين منطقه ساحليه حلوه وماهي كالعاده رطوبه وحر انصحك بشواطي فوكيت في تايلند بلا بينانغ ولانكاوي هذه المدينتين رحت له العام الماضي الى الان واعالج في بشرتي من حرها ورطوبتهاالسنه هذي بدلتها بفوكيت كانت قمه في الروعه بحر وبراد وهدؤ جوها للعرسان والفلوس اللي بتحطينها في تذاكر للبينانغ ولانكاوي روحي بها لفوكيت ومافيه مسافه بينه وبين ماليزيا ساعه ونص بالطياره اذا كنت سعوديه فيه مكتب يحجزلك الطيران من هنا على الخطوط الاسيويه ب300 ريال للشخص الوحد من كوالالمبور الى فوكيت اماعاصمتها ماانصحك فيها مقرفهعلى فكره الخطوط الماليزيه والتالينديه غاليه في مابينها