استري عليها جمله نسمعها كثيييير

السلام عليكم ورحمه الله وبركاته
بنات حواء واخواتي حابه اناقشكم اليوم بموضوع مهم واشوفه باكثر المواضيع بهالقسم
مثلا وحده الله يستر عليها ماخلت رجال ماكلمته وماخلت شي ماسوته وخانت اهلها ودينها والاهم خانت ربها ويسالونك عنها ناس يبون يخطبونها مااقول افضحيها بس علي الاقل ماامدحها انا عن نفسي اقول ماادري روحو اسالو عنها وخلاص
لكن تجيك وحده تقول استري عليها وماادري ايش ويمكن تتوب وممكن ومن هالكلام ظيب لو صادف عايلتك حطت عينها علي بنت من هالنوعيه وشفتي هالبنت بتصير زوجه اخوك والبنت الله يستر عليها دماااار شامل ماتترقع لما توصل لهلوضع هل بتقولين استر عليها واخذها لاخوي والا ترضينها للغريب وماترضينها لاخوك :44:
خليكم واقعيين يابنات في بنات فعلا تغلط مثلا تكلم شخص تلفون نعديها ترسل لشخص صورتها بعد ماضحك عليها نعديها تسولف مع شباب بشات ماعليش نعديها لكن بنت تلعب وتلف وتدور وتطلع حتي مع شباب الله يستر علي بناتنا وتقولي لي اعديها ولا افضحها واستر عليها وتلاقي عمرها فوق ال25 يعني مو بزر لاعبين عليها وفارين مخها يعني كبيره وتفهم وتعرف وين الغلط من الصح وفي بنات فعلا يتوبون والله يستر عليهم مو البشر وبنات والله حتي بعد زواجها وهي من رجال لرجال طيب وش ذنب زوجها الي يكرف ليل ونهار ويوفر لها لقمه العيش ومو مقصر واخر شي تخونه ماتشوفونها حرام
انا عن نفسي يسالوني عن ناس كثير الله يستر عليهم واقول ماادري روحو اسالو واذا الله ساتر علي البنت تزوجت واذا الله رايد يفضحها يلاقون ناس يخبروهم بالحقيقه وهذا الشي اكيد بصالح الرجال
والبنت الي كذا حتي لو تابت ينخاف منها يعني اقل تقصير من زوجها او اقل زله او اقل مشكله ترجع للشباب الي تكلمهم مااقول الكل بس اغلبهم
وبنات شريفات عفيفات والله لو زوجها يضربها لو يسكر لو يخونها عمرها ماترفع سماعه وتفكر تكلم رجال
ياريت يابنات كل وحده تعطيني رايها بهالموضوع
وسؤااااال اتمني كل وحده ترد عليه وخاصه البنات الي يقولون استر عليها هل لو بيوم من الايام اهلك قررو يخطبون وحده ماضيها اسود وانتي تعرفين عن البنت او سمعتي عنها والكل يعرفها بهاللحظه هل بتسترين علي البنت وتخلي اخوك يتزوجها او تتكلمين وتقولين لاخوك البنت ماتناسبك يعني مو شرط تفضحيها بس علي الاقل تظهري فيها بعض العيوب عشان لا اخوك يتزوجها وبس ؟
اتمني ماحد يزعل مني بهالموضوع ادليت برايي والله قدير يستر علي العبد او يفضحه يعني هالشي بيد الله مو بيدنا ممكن البنت الي تفضحيها اذا فعلا توبتها لله صادقه تلاقي رجال افضل من الي فاتها وهذا رايي وشكرا


لكم المااااااااااااااااااااايك