استشارات ديكورية

السلام عليكم ورحمة الله وبركاته
حبايبي حابة أستشيركم خصوصا اللي جربت دهانات الجزيرة روعة و ورود
مجلس الرجال ناوية أحط فيه بوية اسمها كميليا من مجموعة ورود
هي جاية على ذهبي
وكنب الرجال ناوية إن شاء الله أدمجه بين البني والذهبي
لكن قريت عن وحدة تقول مو حلوة كميليا
فأتمنى اللي جربتها تعطيني رأيها أيضا
وهل تقترحون علي أحط غيرها

أيضا بالنسبة لمجلس الحريم
ناوية بإذن الله أحط جدار واحد بوية اسمها سمو من روعة
لونها موف غامق وعليها مثل خطوط لمعة
وباقي الجدران ودي أحطها بيج ربع لمعة

غرفة النوم
ودي أحط جدار السرير بوية اسمها نوف من روعة نفس مواصفات اللي قبل لكن لونها وردي غامق
وباقي الجدران سكري أو أبيض محتارة صراحة
وأيضا محتارة في غرفة النوم نفسها
أفصلها أبيض أو بيج
وهل غرفة النوم أفضل لها ورق الجدران أو أجلس على الرأي الأول اللي هو جدار وردي غامق
ولو بحط ورق جدران أحطه جدار واحد أو ثلاثة أو كامل الغرفة

صراحة حايسة مرة وأتمنى تساعدوني
بانتظار الآراء