كريم مرطب للبشره

الى نيدوفي وحده من مركز مرموق جدا جدا قررت تعمل مشروع مع مندوبات يبيعوا وهي تدخلهم المنتجات كانت في هذيك الفتره كاي شخص ليس لديه الخبره ..كانت بحكم وضعها المرموق تستطيع ادخال أي عدد كان من الابر المبيضه بلا مساءلات وكانت تظن انها فعلا تبيض وبحكم مركزها لم تستطع بيعها بنفسها فكان لها مندوبه تبيع عنها واسمها غير معروف لانها من مكانه جدا عاليه.. في هذا الوقت من عام 2007 كان سوق ابر الحبوب محدود بين 3 تجار فقط لاغير كانت هي من تمول لهم البضاعه باسعار جمله مثلا الحبوب اللي تباع ب400 ريال هي توفرها للتاجره ب100 ريال والابر اللي راس مالها 250 ريال توفرها ب350 ريال للتاجره والتاجرات يبيعوا بللي يبغوه طبعا بدا الكلام يطلع عن غش المندوبات حتى جاء اليوم اللي علمت فيه ان مندوبتها تبيع الاشياء باسعار مهوله .. وهذه الفتاه المرموقه كان لها الفضل في التعرف على جميع انواع الابر ( من روش لسالوتا وريكي وجلوتاكس وغيرهم كثير ) فهي من كانت تبحث الافضل مثلها مثل الكل صدقت الدعايه في شرق اسيا ان المنتج راح يعمل مفعول وباعته على هذا الاساس .. (طبعا كل بنت اشترت ابر متخيله نتائج ماحصلت عليها ) وهنا الاكيد دعا عليها كثير والكل لا يعلم ان هذي الانسانه طيبه مسكينه تخاف الله في حقوق الناس بدات تغير المندوبات والسيناريوا يتكرر لا نتائج مرضيه انا وحده من الناس اللي اشتروا منها وتصاحبت معاها بعد زمن وعرفت منها ان كل المنتجات من شرق اسيا يقولوا صناعه امريكيه ولا يوجد ولا يباع المنتج الا في شرق اسيا مرت الايام والسنين والانسانه هذي تتلطش في الحياه من مصائب الدنيا وفي لحظه وقفت مع نفسها اموري ما تعكرت وحياتي ما صعبت الا لما عملت هذي الشغلانه التي لم استفد من اموالها فكلها ذهبت لاصحاب النصيب من عطايا ومساعدات ومع انها ما استفادت ماديا وساعدت كثير الا لايزال انها هي من عرف الناس بالموضوع لذلك تحملت دعوات الناس اللي مايرحموا على انها من عائله مرموقه جدا جدا جدا .. لها وزنها وكلمتها وكل شي مجاب ومتوفر لديها الا انها اصيبت بالاكتئاب الشديد بعده مصايب حياتيه كثيره منها وفاة اعز اخواتها عندها بعد ماكانت تهتم باللي حواليها وتساعدهم وتهتم بنفسها ومستقبلها اهملت كل هذا واستسلمت للاكتئاب الى ان جاء اليوم اللي تطلب مني افضح موضوع الابر والحبوب في الانترنت عسى ان يكفر عن جهلها عندما امتدحتها واشرح لكم هذا العالم القذر حبيباتي كذب من قال ان هناك شركه لديها هذا النوع من الابر ومصرح ..لانها حاولت الحصول على التصريح بالتقديم على الديوان الملكي والاماره وهيئة الغذاء والدواء والصحه والجميع اجمع ان هذه المواد مرفوضه لانها لا تطابق المعاير السعوديه الشديدة الحرص وحكتلي عن سوق الابر القذر صاحب شركة العربيه التي تبيع الابر الالمانيه لجأ لها يوميا لتدخل له بضاعه بحكم وضعها ووضع عيلتها ومن هنا عرفت ان هذه الشركه وهميه يراسها فلسطيني متسعود اذن هي شركه وهميه لاتملك تصاريح لانه لو كان يملك التصريح ما كان احتاجها تدخله وهذا دليل انه يدخل المنتجات بالتهريب بنات روحوا لدكتور جلديه وقولوله ابي اتحول من بيضه لسمراء بيقولك مستحيل بس روحي لدكتور قوليله بوحد اللون بيقولك موجود ..بنات مافي شي بالدنيا يحول السمراء بيضه ممكن تبيض بشرتك درجه او درجتين اذا اعتمدتي نظام غذائي مكون من الفواكه والخضروات وعلاجات توحيد وتفتيح اللون في المراكز كذا ممكن يفتح لونك اما انك تخلي لون المغنيه وعد زي نانسي عجرم هذا مستحيل ..كمان تعالوا نتكلم بالعقل الزياده كما النقصان مضره جدا يعني لما تستخدمي الجلوتاثيون بنسب تتعدى الالوف الفائض اللي جسمك ما يحتاجه وين بيترسب في الكلى بيتعب الكبد وبتبدى المشاكل الصحيه هذا غير انها لو بيضت بشكل بسيط بعد اربع او خمس شهور بيروح المفعول وبتحتاجي كورسات جديده تخيلي عمرك كله تضربي بالابر ايش راح تعمل معاك وفي جسمك وايش الاضرار المحتمله من وراء الموضوع بنات التاجرات تعمل موضوع دعائي تعرض فيه منتجها وبعدين تعمل كم يوزر كانهم اشخاص اشتروا منها يدخلوا يكتبوا مواضيع على انها تجربه شخصيه وهي في الاساس تجربه وهميه عشان يغروا الناس تشتري ويستميتوا لما يشوفوا احد يذمها او يقول خطيره .. ويحطوا فديوهات لو دققوا فيها بيشوفوا قد ايش هم جهله دكتور اوز مدح الجلوتاثيون مثل ما كل دكاترة العالم تمدح الفيتامين سي الفيتامين سي غير مسموح باكثر من 1000mg للمرضى وبالكثير 500mg للشخص العادي لما تجي تاخذي كل يوم mg1000 او اكثر وانتي بلا حاجه تعرفي ان هذا الشي جدا مضر وممكن ياثر على العظم لانه يترسب فيه والكلى الجلوتاثيون بنسبه بسيطه لا تتعدى mg100 في اليوم تعمل على مضادات الاكسدة اما جرعات مثل Mg1000 ,10000,5000,12000 هذي نسب جدا جدا عاليه انا لقيت حبوب نسبة الجلوتاثيون فيها mg200000 بنات هذي صحيح فيتامينات واحماض امينيه بس مع النسبه هذي سموم مميته ..مافي أي دكتور جلديه يقول ان موضوع التبيض بالجلوتاثيون فعال وآمن واغلب الدكاتره عندنا بعضهم لم يسمع بها اصلا ..وفي اوروبا ما تحصلها اصلا الحل الوحيد لتبيض ونضارة البشره هو الغذاء المتوازن المتكامل من فواكه وخضروات خلطات طبيعيه (اركز طبيعيه تعمليها انتي في البيت تكوني متاكده من مكوناتها ) يجب الاستمرار عليها اقل شي 6 شهور وعلاجات التبيض في مراكز التجميل من احماض امينيه واحماض فواكه تزيل الطبقه الخارجيه ..في الاخر الشخص راح يحصل على بشره نضره صحيه موحده اللون بيضاء كانت او سمراء مو هذا المهم المهم جمال البشره البرازيليات معروفات بجمالهم بس الوانهم برونزيه نادر تلاقي البيضه عندهم ومع ذلك الكل يشهد بجمالهم لازم نغير مفهوم الجمال عندنا كل نساء العالم جميلات بس في بنات مايعرفوا مواطن الجمال عندهم مايعرفوا يبرزوها ..وفي الاخر الصحه اهم شي على الانسان وربي آمنكم عليها لاتودوا نفسكم للتهلكه نصيحه بنات في نهاية موضوعي ماابي وحده تدخل وتقول مفيده وتبيض وواو ويا سلام اقبل رد واحد وحده تدخل وتقول انها استخدمت هذي الابر وفعلا بيضت مو فتحت ولا توحد لونها لا تحولت من سمراء لبيضاء بدون اضرار تذكر على صحتها مع الاثباتات ايضا لن اقبل من يدافع عن أي جهه للبيع تدعي ان منتجاتها مرخصه الا مع عرض خطاب الترخيص بشكل واضح الشخص يعرف يقرا الكلام فيه ووضع التراخيص الاصليه وليس صور لان الكل يعلم كيف ممكن التلاعب بالصور وبالمقابل الموضوع مفتوح للبنات اللي خسروا فلوسهم وما شافوا شي ..(( بنات طبيا ماينفع تستخدمي أي نوع فيتامين قبل ماتروحي المستشفى وتعملي تحاليل بنسب الفيتامينات في جسمك ولا يسمح لك ان تستخدمي الا الفيتامين اللي عندك نقص فيه وبمتابعة الدكتور غير كذا ممكن تستخدمي زياده عن حاجة جسمك وهذي كلها بتعملك مشاكل في الجسم الغرض من الموضوع مساعدة لصديقتي بابراء ذمتها من الموضوع وطلبا لمرضاة الله وهو عمل خالص لوجه الله لتوعية اخواتي المسلماتقسم بالله العظيم قسم احاسب عليه ليس الغرض من الموضوع ضرب تاجره معينه لاني لا اعمل في هذا الموضوع وليس للتظليل وانما هو فضح سوق الابر والحبوب وبيان المخفي فيه

الى نداء السكونمشكله الدهون الزاءده في الزنود لها علاجها ولا استطيع نصحك بشىء دون ان ارى المشكله.

اخت مشاعر.الف مبروك بزواج بنتك, للبشره الباهته الحل هو ابه نضاره(PRP)للحبوب لها علاج عن طريق اخصاءي الجلديه عندنا في القسمزلا علاقه لليزر بل الهرمونات, ؤلا الزواج, انما الحمل بل هرمونات ممكن تعمل ليزر و ما الو اي تداعياتزاهلا فيك

اخت شاعره.الجفاف للبشره ف الايدي ممكن يكون من عوامل خارجيه .حله عند اخصاءى الجلديهزلزيادة الدهون من دون جراحه عندنا جهاز اكزيليس ممتاز ولاكن لاجام معينه,لازم اول نكشف على المنطقه وبعدين نقرر.للخطوط لدينا جهاز ليزر جديد(سكارليت,SCARLET) يساعد على تخفيفها.واهلا فيك