استشارة: اشتري مكينة خياطةرخيصة واللا ؟

السلام عليكم
الحقيقية يا اخواتي عندي استفسار بس بالأول أبي اقلكم عن نفسي و امكانياتي

انا الحقيقة احب الاشغال اليدوية و عندي امكانية للتعلم الذاتي
(مثلا) تعلمت والحمدلله الكروشية و صار مستواي بالكروشيه متوسط

و مدري عندي جاذبية شديدة لموضوع الخياطة نفسي نفسي أتعلم خياطة و يكون لي مكينة خياطة و اصمم و أخيط بنفسي ،، ولو أني متخوفة من حكاية التفصيل بس ان شاء الله مع العزيمة أتعلمها مثل ما تعلمت الكروشيه

المهمممم أبي اشتري مكينة و هالفكرة صارلها سنوات تراودني لكن الحين عقدت العزم

و صارلي فترة ابحث عن مكاين الخياطة و ابي اشتري سنغر singer لان حسب ما سمعت ان جودتها عالية و قطع غيارها متوفرة و سهلة الاستخدام؟؟ المهم ناوية اشتري سنغر و بس

و لقيت ان في أنواع سعرها بحدود 400 و انواع سعرها بحدود 800 على حسب البلد المصنع
المهمممم
محتارة اشتري أي نوع
فكرت اشتري ابو 400 لأن:

أولا :هاي ميزانيتي ،، أما لو حبيت اشتري الغالية،، راح انتظر لحد ما تتعدل ميزانيتي ، ، يعني راح اتأخر
ثانيا: انا لا اعرف شيء عن الخياطة و خايفة لو بدأت لا أكمل المشوار أو تكون خياطتي سطحية ،، يعني المكينة الرخيصة تمشي حالي

لكن ترددت لأني:

فكرت و فكرت خفت تخترب معاي لاني ابي اجربها على انواع مختلفة من الأقمشة و أخاف المكينة ما تستحمل أنواع غريبة،، مثلا ناوية استخدم قطع stretch و قطع اسمها ديسكو تشبه السترتش و قطع مخرمة و غيرها و غيرها،،
و خافة لو مكينة رخيصة تخترب و ما تستحمل هالأقمشة

و محتارة جدااااا
قلت استشيركم يا أهل الخبرة، هل لو شريت مكينة بسعر 400 سنغر هل راح يمشي حالها بأنواع مختلفة من الأقمشة؟؟؟؟؟
أم انها ستخرب بسرعة؟؟ هذا هو أهم سؤال
بعدين انتم ايش رايكم؟ هل حد كان مكاني وشرا رخيصة و ندم؟ أو شرى غالية و ركنها و ما استخدمها ؟؟