noof45 @noof45

عضوة

استشارة بخصوص اغلى صديقة لي

السلام عليكم
عندي سلفتي ولي هي بنفس الوقت اعز صديقة لي
تمر الحين بمشكلة مع ابوها من جهة وامها وزوجها من جهة
هذي البنت ابوها مطلق امها من هي صغيرة و متزوج على امها والحين مديوون دين كبير جدا للناس بسبب انه بنى عمارة لحرمته وعياله ٢ وبنته وتورط بعدها بديون كبيرة
كلم بنته لي هي سلفتي وقالها ساعديني انتي واسحبي لي قرض ب اسمك عشان اسدد جزء من الديون وانه مخنوق وقالها لو ما بتعطيني بقاطعك وبغضب عليكي وماراح اكلمك طول حياتي مع انه هو بالاصل مايكلمها وكل ست شهور لا يكلمهم مرة او يزورهم
وهو مقاطع ابنه لي هو اخوها عشانه ماقدر يعطيه وبالاساس اخوها موظف وراتبه عالي جدا بس تهرب وتحجج انه مديون وعليه قروض
والبنت الحين ضايعة امها تقولها لا تعطيه وزوجها يهددها وابوها يهددها بالغضب وانه بيدعي عليها
كلمت اخوها انهم يتعاونو ويساعدو ابوهم واخوها رفض قالها انا متزوج وعندي عيال وقاعد ابني بيت وراتبي كله طاير ساعديه انتي من زوجك ومنك
وهي مضطرة تعطي ابوها عشانها خايفة من الغضب وقالت له اعطيك من راتبي ٤ الاف وهي راتبها كله على بعضه ٨
وذاك رضا وقالها طيب بس طلع لها اخو زوجي الان صارلهم اكثر من اسبوع مشاكل وصوت صياحه يوصل لنا
مو راضي يخليها تعطي ابوها ابدا ويقولها ابنك وانتي وامك لي تستاهلون الراتب مو هو
وزوجها موظف ب سابك وهو لي شايل مصروف البيت كله وهي تخبي الراتب لهم وتعطي امها ٢٠٠٠ راتب
وهي عندها ولد عمره ١٠ سنوات والحين حامل ب الشهر الثاني
ام زوجي وابوه تدخلو بالمشكلة بينهم وتوصلو لحل وقالو للحرمة اعطي ابوكي بس اقترحي عليه يعطيكي شقة من العمارة ويسجلها ب اسمك وابوها رفض قالها مافي
وبالاخر ابو زوجي قالها هذا ابوكي ومهما حصل لازم تعطيه وتبريه بس اعطيه ١٠٠٠ ريال بالشهر ونفس الشي الاب رفض
والضغوط زايدة علبها وابوها ضاغطها وزوجها يهددها وحملها مخلي حالتها زفت
الين امس رجعت مشاكلهم وصوت صياحهم بالعمارة كلها
بالاخر زوجها قالها روحي ومارح تعطيه ريال ولو عطيتيه غير اطلقك وحلف انه يطلقها في حال اعطت ابوها
وهي قالت له انها راتبها وحرة فيه وانه هو موظف وراتبه عالي وترجته انها تعطي ابوها وتساعده وهو نفس الشي يعيد بالكلام
وش السواة طيب يابنات الحلال
الاب يهدد بالغضب والزوج يهدد بالطلاق والحرمة ضايعة بينهم

12K

يلزم عليك تسجيل الدخول أولًا لكتابة تعليق.

تسجيل دخول

الملكة ام عنترة • 4 سنوات

اسمحي لي سلفتك ضعيفة وأبوها استغلالي
يعني تسدد عنه ومستكثر عليها شقة واحدة في العمارة!!
ربنا ما يرضى بالظلم ..
خلي يدعي
تعطي ابوها بحدود في الشهر وتعطي امها
لكن مو نص الراتب
لو ما يبي خلاص
----
شطحة خارج الموضوع
اول مرة اشوف سلايف حبايب كذا ماشاء الله تبارك الله 😂😂😂

noof45 • 4 سنوات

الملكة ام عنترة :

اسمحي لي سلفتك ضعيفة وأبوها استغلالي يعني تسدد عنه ومستكثر عليها شقة واحدة في العمارة!! ربنا ما يرضى بالظلم .. خلي يدعي تعطي ابوها بحدود في الشهر وتعطي امها لكن مو نص الراتب لو ما يبي خلاص ---- شطحة خارج الموضوع اول مرة اشوف سلايف حبايب كذا ماشاء الله تبارك الله 😂😂😂

اسمحي لي سلفتك ضعيفة وأبوها استغلالي يعني تسدد عنه ومستكثر عليها شقة واحدة في العمارة!! ربنا ما...

مو قصة ضعيفة بس خايفة من العقوق ب ابوها وهو موراضي الا تسحب له قرض او تعطيه نص الراتب حقها والا غير كذا بيغضب عليها وهي خايفة كثير من هذي النقطة
اي والله احبها لانها طيبة جدا وقلبها ابيض مثل الثلج وياما ساعدتني ب امور كثيرة هي وسلفتي الكبيرة بس الباقي الله يكفيني شرهم

عهد ١٤٢٠ • 4 سنوات

مهما كان ابوها يتم اهم من زوجها
هذا ابوها لي رباها وتعب عليها وكبرها وانفق عليها والحين محتاجها لازم تلبيه
خليها تعطيه بالسر بدون مايدري زوجها احسن شي

جيلو أحمر • 4 سنوات

حلوه هذي شقاي و تعبي يروح لحرمته و عياله مع نفسه ابوها معليش
ابوها لو عادل رضى بشقه لها كحل و كرد لها انها ساهمت في البيت لكنه مستغل انت و مالك لأبيك

عموماً مبين سلفتك بتبيع بيتها و بتخرب حياتها و تعطي ابوها و لو صار لها شي ما التفت لها و مافي مثل زوجها موظف بشركه راقيه و راتبه عالي موب حاط عينه على راتبها الا انه منقهر و عارف ان ابوها استغلالي
بكيفها لو مكانها ابره بفلوس شهري بس اخذ قرض معصي
حياتي و اسرتي اهم من استغلال الاب

بريق الماسss • 4 سنوات

noof45 :

مو قصة ضعيفة بس خايفة من العقوق ب ابوها وهو موراضي الا تسحب له قرض او تعطيه نص الراتب حقها والا غير كذا بيغضب عليها وهي خايفة كثير من هذي النقطة اي والله احبها لانها طيبة جدا وقلبها ابيض مثل الثلج وياما ساعدتني ب امور كثيرة هي وسلفتي الكبيرة بس الباقي الله يكفيني شرهم

مو قصة ضعيفة بس خايفة من العقوق ب ابوها وهو موراضي الا تسحب له قرض او تعطيه نص الراتب حقها والا...

اذا متردده تسأل شيخ احسن لها .الله يعينها