السلام عليكم ورحمة الله
بدخل بالموضوع دوغري
صديقتي انخطبت (ماشاء الله تبارك الله الله يتمم لها ) واستشارتني بشغلة وانا للاسف مو متزوجة فما عرفت انصحها وخفت انصحها بشيء واتسبب عليها
هي موظفة ماشاء الله تبارك الله وطلبت من ابوها يشرط على زوجها ان راتبها لها وانها تكمل دراسات عليا وتسكن لحالها ووماتترك وظيفتها ابد يعني اربع شروط
,ابوها رفض وقال لأ , وقال ابشرط عليه الوظيفة والسكن الخاص يعني مايخليها تفصل من الوظيفة يعني شرطين فقط
قالت هي مايصير الوظيفة شيء والراتب شيء
لان فيه رجال يجبرون حريمهم يتوظفون اصلا عشان يا ياخذ راتبها يايخليها تساهم بالبيت ياتصرف على نفسها من الى ويشيل يدة منها يعني تصير كنها مب متزوجة
وابوها رقض تماماً وقال لا
البنت مفكرة وقت الملاك اذا سالها الشيخ موافقة او لا تقول موافقة بس بشروط
وتذكر شروطها وهي
1- سكن خاص 2- وظيفتها ماتتركها 3- راتبها لها 4- تكمل دراستها
وزي ما انتم شايفين كل الشروط منطقية ومن حقها يعني ماطلبت ذهب وجواهر وقصر فلاني ومهر فلاني , والناس اللي بتاخذهم سلمهم وعرفهم ان الحريم يسكنون سكن خاص وكذا يعني شروطها مب تعجيزيه, بس هي تبي تضمن حقها
بس ابوها رافض
وش شوركم تقول اللي قتلكم وقت الملاك ولا هذا الشيء ممكن يسبب حاجز بينها وبين زوجها وممكن يكرها ؟ او ينتقم منها ؟ او تطيح من عينه خصوصا اذا جابت سيرة الراتب ؟
ياليت تكتبون السلبيات والايجابيات ووش هو شوركم
واذا كان فيه وحده لها تجربه تذكرها
ملاحظات وش كبرهااااااااااااااااااااااا
1- ارجوكم لاتجي وحده تدخل بموضوع ثاني وتقول خليها تساهم مع زوجها وتسوي وتحط وتدفع هذا موضوع ثاني تماما انا ماسالت وش رايك تساهم او لا, و هي اذا بتساهم تساهم بكيفها وبرغبتها وماعندها مانع اذا زوجها احتاج وكان يستاهل انا تساهم , لكن هي تبي بالبداية تشرط عشان يصير فيه خط احمر بالنسبة للراتب ويفهم الزوج انه اولاً واخيراً لها واي مساهمة فهو فضل منها وليس واجب
2- الرجال مايعرفونه زين ولا يقربلهم وابوها ماسال عنه زين ابوها كذا دايم مايسال عن الرجال اللي يخطبون للاسف واذا قالت شيء قال احمدي ربك انه خاطبك, فهي خايفة بتدخل على رجال ماتعرف عنه شيء يطمن , وتبي تضمن حقها ع الاقل علماً بانها لو صارت مشاكل مع زوجها ابوها مب نافعها ابد لانه من زمان شايل يده مادياً عنها يعني هي تصرف على نفسها من الى وتروح بتكاسي وتجي بتكاسي لو تبي ربع ريال من ابوها ماعطاها عشان كذا بتضمن حقها
3- لاتقولون خلوا امها تقولهم , صعبة مرة , لاسباب كثيرة اذكر منها , موضوعها طول لهم 7 شهور وابوها ماغير يمرمط فيهم والناس مرة طفشوا يعني يبيلهم تكة عشان يروحون والبنت بصراحة عايشة ببيت بوها بعذاب وتبي الفكة وتخاف اذا قالت هالشرط عن طريق الحريم انهم يحرضون اوهم ويحرشونه ويروح وهي ماتبيه يروح تبي تتزوج وتفتك , علماً بان له خوات كثار ومرة قويات وكانوا يتدخلون بتفاصيل الزواج ويدقون يتذمرون , فلذلك تبي الشرط ينقال للولد بنفسه يوم الملاك وهو يقرر لان الموضوع يخصه وزي ماقتلكم الابو رافض لذلك بتضطر هي تقول الشرط بنفسها
ان شاءالله اتضحت الصورة , ويارب تجاوبون زي ماطلبت , واحتسبوا الاجر في اجاباتكم الله يجعل لكم في كل حرف حسنة
واللي عندها تجربه تقولها
موفقين
ملاحظة
((( المعرف مب لي لصديقتي وكتبت به بسبب عدم تفعيل معرفي , اي وحده تبي اي شي ترسلي ع الخاص تطلب ايميلي ) )
*شادن* @shadn_16
محررة برونزية
يلزم عليك تسجيل الدخول أولًا لكتابة تعليق.
راسية
•
اذا حياتها في بيت ابوها شقية فنصيحتي انها تتزوج الرجال
وعلى قولة ابوها لاتكثر شروط تشرط الشرطين اللي قالها ابوها
وهي عاد اذا تزوجت تشغل مخها وتتصرف
ولو شرطت شروطها الاربع مافيها شي
بس يمكن يروح عنها لو قالت راتبي لي
انا افضل انه يكون راتبها لها بذكائها مهو بصراحة شرط لانه بيكون عنده انطباع سئ
وعلى قولة ابوها لاتكثر شروط تشرط الشرطين اللي قالها ابوها
وهي عاد اذا تزوجت تشغل مخها وتتصرف
ولو شرطت شروطها الاربع مافيها شي
بس يمكن يروح عنها لو قالت راتبي لي
انا افضل انه يكون راتبها لها بذكائها مهو بصراحة شرط لانه بيكون عنده انطباع سئ
الصفحة الأخيرة
خليها وقت ما يجي الشيخ يملك تقول للشيخ شروطها وما اتوقع الرجال وقتها بيرفض