استشارة بخصوص حجرة السفره

تهدمين الحائط بينهم راح يعطي شكل حلو وراقي لكن بالشروط التالية :
1 ) عندك مطبخ خلفي ويكون هذا مجرد مطبخ تحضيري .
2 ) تكونين وحدة مرتبة جداً أو ضامنة إن شغالتك ما راح تحوس لك المطبخ لأن الناس إن جوا بيصير المطبخ مكشوف أي كاسة مو مغسلة بيشوفونها أي شيء مو في مكانه بيكون واضح .
3 ) ما تستخدم غرفة السفرة هذي للمناسبات الكبرى بمعنى إنه إما عندك غرفة سفرة ثانية رسمية أو إنك تسوين لهم بوفيه في الحوش مثلاً لو فيه مساحة ( لأني أحس إن المطبخ مكشوف على غرفة السفرة يعطي خصوصية للمكان ما تتناسب مع المناسبات الكبرى ) .

أما حركة إنك تفتحين بينهم بقوس فبصراحة يعتمد على نوع الديكور وهل القوس فيه إمكانية يتقفل بديكور على شكل شباك مثلاً ؟

عموماً أنا لو مكانك أشوف لو المطبخ هذا هو الأساسي وعند الضيوف ما أسوي ولا فتحة ولا شيء ولو المطبخ تحضيري أو بالدور اللي فيه المعيشة أهد الجدار تماماً وأخليه مكشوف

ورأي شخصي بس ما تعجبني الفتحات أحس كأني جالسة في مطعم مو في بيت
وهذي أحسها غلطة يغلطونها كثير ناس في تشطيب وتأثيث بيوتهم تدخلين بعض البيوت ما تحسين بحميمية المنزل بالعكس تحسين إنك في مطعم أو كافيه أو قاعة استقبال فندق أو أصعب شيء لمن أدخل بيت وأحس إني مستشفى من كثر ما كل شيء نفس اللون !!

آسفة للإطالة بس حبيت أفيدك والله يوفقكم إن شاء الله

مشكوره اختي ام سعود على الرد بس انا اقصد ان غرفة الطعام تكون مفتوحه على المطبخ وطبعا غرفة الطعام عندي مالها باب الا من المطبخ نفسه مالها باب خارجي والمطبخ عندي بيكون مسكر وعندي غرفه ثانيه لاستقبال الضيوف انشاء الله فهمتي قصدي ؟
يالله وين باقي البنات ابي افكار بسرعه لان بدوا الشغل في البيت والى الحين محتاره في هالسالفه