السلام عليكم
مساكم الله بالخير اخواتي الحبيبات
بدون مقدمات لان مستعجلة وابغى مشورتكم وارائكم واقتراحاتكم
انا بنقل بيت جديد طبعا ايجار وهو اساسا بيت اخو زوجي الله يجزاه خير سوا لنا كل شي نبغاه في الشقة حتى الوان البوية احنا اخترناها وزود لنا غرفة خادمة والمطبخ مركبة الدواليب بس طلع لي مشكلة في المطبخ يبغالها تعديل وهي المغسلة او المجلى هم الاول كانو ساكنين في هذي الشقة وركبو مجلى استيل مع ان الرخام صناعي ما دري ليه ما سوو المجلى رخام صناعي وبعد مدة من الزمن غيرو المجلى من استيل الى رخام صناعي بس المشكلة انو مو نفس اللون يعني المطبخ كله لون والمجلى لون قريب نوعا ما من لون باقي الرخام وكمان المجلى حجمه اصغر من باقي الرخام من المنطقة الامامية الي نوقف عندها لما نبغى نغسل الصحون يعني راجعة على ورا شوية وكمان المنطقة الي خلف الخلاط ارتفاعها اقل من باقي المطبخ مدري فهمتو علي ولا ما فهمتو المشكلة اني كنت بغيرها بمجلى استيل لاكن ما لقيت نفس المساحة يعني الي عندي 60 / 140 والي في السوق لقيتها اكبر 60/ 150 يعني زيادة 10 سم وكمان سعرها مرة غالي 950 انا الان قررت اني اركب القديمة بس ابغى منكم الي تكون عندها فكرة تخفي العيوب او مكان ممكن يعدلها لي او اذا فيه اماكن تبيع مغاسل استيل باحجام مثل الي عندي والي عندها اي فكرة او اقتراح تقولها لي الله يفرج همكم في الدنيا والاخرة
وشكرا لكم مقدما وجزاكم الله خيرا
loooogy @loooogy
عضوة نشيطة
يلزم عليك تسجيل الدخول أولًا لكتابة تعليق.
loooogy
•
سبحان الله وبحمده سبحان الله العظيم
loooogy
•
السلام عليكم
والله حاسة بخيبة امل ١١٥ دخلو الموضوع ولا وحدة ردت طيب الي ما تعرف ترفع الموضوع يمكن تشوفو وحدة تقدر تفيدني
عموما جزاكم الله خير
والله حاسة بخيبة امل ١١٥ دخلو الموضوع ولا وحدة ردت طيب الي ما تعرف ترفع الموضوع يمكن تشوفو وحدة تقدر تفيدني
عموما جزاكم الله خير
افضل الاستيل للمطابخ مرررره حلو وبالتنظيف سهل ويرجع يلمع الرخام الصناعي مو كويس وانتظري تتعدل ميزانيتكم وتحطين
الصفحة الأخيرة