المهم الصغيرة تزوجت من بدري وجاها أربع عيال بنتين وولدين ورى بعض وبنت عمها تزوجت من تالي طبعا هي الأكبر
الصغيرة ام العيال كانت تجي عند بنت عمها الكبيرة وكانت الكبيرة تضرب عيالها لانهم يوسخون علشانهم صغار وامهم تنظف وراهم ووقت ماتحط العشاء تقرف تأكل مع بنت عمها وعيالهاوتقول تفشلين لا عاد اشوفك اذا جوني ناس وفي الحفلات تتهرب منها
وأم العيال هذي كانت ساكنه في غرفتين وصاله
ظروفهم صعبه تقول ان بنت عمها ماخلت احد الا تكلمت عن ظروفي وعن حياتي
ومن طيبة ام العيال كانت تشكي لها لو صارت عندها مشكلة مع زوجها وتقول كل الجماعه كانو يدرون وأهل زوجها يوصلون لزوجها الكلام وعلشان زوجها عارف ان الكلام صح كان يهجرها ويضربها ويحرمها الطلعه بس بنت عمها عادي يوديها
المهم مرت الايام وتحسنت ظروف ام العيال ونقلو بيت حلو
وعيالها صارو يعتمدون على ا نفسهم
المهم ام العيال عرفت من وحده ان كل سبب مشاكلها من بنت عمها قررت تكون رسميه معها علشان تقل مشاكلها مع زوجها
الحين بنت عمها الكبيرة جاها ثلاث ولدين وبنت مجانين بمعنى الكلمه ماحد يتقبل الحرمة هي وعيالها حتى أهلها وأهل زوجها الكل يكرهم ويتقرف منهم
ماترتاح هي وعيالها الا عند بنت عمها الصغيرة تقول عادي اتحملها هي وعيالها بس ابغى اوضح لها إني احسن منها
المشكلة هنا
تقول ان بنت عمهاالكبيرة بتروح للحج وتترك عيالها عندي وقالت اعطيك اربعه الف زيني امورك فيها واضح ظروفك صعبه يعني جرحت بنت عمها شينه وقويت عين وزوجي رفض استقبل الأطفال لان أهلها وأهل زوجها رفضو
وهي منحرجه منها أعمارهم سته اشهور
وثلاث سنين
وخمس سنين وغير كذا فيهم شقاوه مو طبيعيه
- وتبغى طريقه ترفض الأطفال خصوصا ان زوجها عصبي وبنت عمها ماتستاهل التضحيه
- سالتني قلت مالي الا انتم بعد الله
ليه ماتحطهم عند أمها ، اخواتها ،،، اذا اَهلها مو متحملينها كيف تحملهم ؟؟
فيه طريقه تتميرض وأنها تعبانه و تروح لاهلها ...