استشارة عاجلة ارجوكم ؟؟

السلام عليكم ورحمة اللة وبركاتة
اخواتي اللة يسعدكم انا محتاجة رايكم وبسرعة انا عاملة تجديد شامل للبيت وتقريبا كونت فكرة عن اغلب الغرف في البيت لكن محتارة في المجالس هل اخليها بوية او ورق جدران بصراحة ماشفت ورق جدران حلو اغلبها كلاسيكي ومذهب او مليان نقشات ونا نفسي في الفخامة مع البساطة والنعنيق مادخل مزاجي ادري انة صعب بس ايش اسوي احس التعتيق خربطة الوان ............... نفسي في ديكورات مميزة وجديدة
بالنسبة لمجلس رقم1 انا مقررة افرشة موكيت وبالنسبة للبوية الجدار المواجة للشباك يكون بلون عودي ومدفأة بيج مع كنبتين مفد بيج والباقيالجدار بيج كلة بس محتارة هل اخلية سادة اوتعتيق بسيط ؟؟؟؟؟؟
مجلس رقم 2 وهو الاكبر والرئيسي السقف مربعات خشب زي اللي في موضوع الاخت سارة والارضية خشب بني غامق وابغا البوية بيج فكرت اني اعملها كل الدارمربعات شطرنج بيج وبني خفيف جدا جدا يعني مخفف بالبيج ايش رايكم يطلع حلو او شغلة كثير وبالنسبة للجدار بين الشباكين ايش اعملة ديكور ؟؟؟؟؟
فية ورق جدار روعة زي الخشب البامبو لكن اسعارة نار ياليت اللي تعرف اماكن في جدة مختصة بورق الجدار تقوللي؟؟؟؟؟ وادعيلها من قلبي
بالنسبة لصالة الطعام مفتوحة على غرفة المعيشة وكلها خشب باركية بيج فاتح والبوية طولية درجتين بيج بس ابغا البس جدار صالة الطعام المقابل للطاولة خشب ايش افضل يكون بني والطاولة بني او بيج والطاولة بيج زي الارض لانة مكتبة غرفة المعيشة في الوجة ولونهابيج خشبي مين اللي يكون متناسق اكثر؟؟؟؟
معليش اسفة على الاطالة لكن عندي ثقة كبيرة فيكم انكم تردوا على استفساراتي لانة بكرة حأبدا البوية وشكرا مقدما:( :( :(