استشارة عاجلة جدا ... وانت الحكم بيني وبين زوجي

السلام عليكم
بغيتكم تعطوني رايكم برساله لقيتها في جوال زوجي
وصلت جوال زوجي وبدوره ارسلها لغيره

انا متضايقه من محتوا الرساله
بالرغم انها للتريقه بس تضايقت ان زوجي انا يرسلها
والشي الثاني يرسلها لرجال حريمهم يكرهوني يعني امداهم الحين مبسوطين ان زوجي يفكر بالطريقه هذي وان هذا جوه
وهم نفسهم يكون زوجي يطالع بالحريم ويكون مستواه كدا

هذي الرساله...

بعد السماح للمراه في السعوديه بالترشح للانتخابات
فيه شاعر يعتذر لصديقه حمود لانه يبي يرشح تهاني وقال هذي الابيات
ياحمود سامحني وانا اخوك ياحمود
ما اقدر ارشحك واترك تهاني
غالي يا ابو خالد ولكن لك حدود
ما ابغاك تزعل حط نفسك مكاني
لو شفتها ياحمود وعيونها السود
تقول ياربي وش اللي بلاني
ابغي اصوت وارجع اصوت بزود
يمكن يحسبونه لها صوت ثاني


انا وجهت نظري ان الرساله تعبر عن راي المرسل
يعني لو منت مقتنع فيها لا ترسلها
حتا لو تريقه



انا زعلت من زوجي لانها بنظري قله ادب وغزل وايحاآئات مالها داعي
وز،جي يقول عادي وزعل اني فتشت جواله من دون ما يدري


بغيت رايكم
معاي حق او لا