الله يعينك ويفرج همك 

تبين الصدق كل ذا كلام فاضي خليك من المديره كلها كم سنه ويغيرونها ومسئل تنقلين ما تنقلين هالشي راجع لك انتي اذا متضايقه من المديره والمرشده اقترح تروحين تنقلين لمدرسة بس هل تضمنين ما يصير مثل هالمشكلات مره ثانية؟

بس بقولك وش غلطاتك عشان تستفيدين من خبرتي العريقه بالمشاكل والشكاوي هههههههه
اول شي ماتتصلين عليهم تقولين بشتكي او ترسلين رسايل من اي نوع نهاااائي لأن هالشي بيوقف ضدك شوفي استعدوا وزينوا الغرفه قدام الي ارسلوهم التوجيه
واستغلوا نقطة الرسايل والمكالمات ضدك وقالوا عنك اقوال ماصارت
المفروض تخاطبك معهم يكون بحدود ضيقه جدا موب تهذرين بالتلفون والرسايل وتعلمينهم كل شي بتسوينه

وثاني شي يوم راحوا المشرفات الي ارسلتيهم كان رحتي معهم وبينتي لهم ان الغرفه صغيره وان في اريكة ما تخش بالغرفه من صغرها وانهم رامينها بالسيب
ثالث شي اذا الحق معك روحي لمدير التعليم واشتكي عليهم كلهم ما بيضرك شي وكملي الموضوع للأخير اقصاها بيجيك مسائلة لو انك غلطانه ومابيضرك بإذن الله

وغلطتك كمان تدفعين من جيبك لا تدفعين شي خذي من عندهم مكتب او طاولة وماصه وخلاص عشان ماتتحسرين اذا خذوا مكتبك
وكان اخذتي ورقه رسمية من المديرة بأحقيتك للغرفه هذي عشان محد ياخذها عليك

وادارة التعليم مية بالمية بتوقف معك لانك مجتهدة
وراجعي مديرة شؤؤون المعلمات المديرة مو اي احد و اعطيها السالفه كلها

بعدين بسئلك انتي مسؤلة النشاط؟ اذا انتي مسؤلة النشاط لازم تكلمينهم بخصوص انهم سحبوا غرفتك منك لأن لازم يكون لك مكتب خاص فيك

والاجتماع الي يقولون ان المديره تبي تسويه بغرفتك يا اختي لازم يتم بغرفة المديره مو اي غرفة! يعني مالها حق تاخذ مكتب ثاني عشان اجتماعاتها مع المعلمات
ومجلس الامهات كذالك يا مكتب المديره او اكبر مكتب بالمدرسة
اذا مكتبك هو اكبر مكتب فهذي مشكله لأن لهم حق ياخذونه منك

بالتوفيق يارب

الله يعينك ويفرج همك وينصرك على من عاداك حسبي الله عليها والله شي يقهر صدق ويغبن مالك الا تتحسبين عليها الظالمه وربي ينصرك عليها والمشكله النقل مو اكيد اخاف تقدمين نقل ومايجيك على طول فكري واستخيري والله يعينك

مدري تقبلين نصيحتي بصدر رحب او تزعلين لكن خلينا عقﻻنيين شوي


باﻻول اللي اعرفه المدرسة مو ملك خاص لك او لغيرك لتقولين هذي بويتي ولي ومدري ايش


صح من حقك تزينين مكتبتك فصلك لكن بالنهاية اللي بتستلمة ممكن تغيرة سواء مديرة وﻻ غيرها والمديرة لها صﻻحيات تصبغ وتشيل وتغير ومالك حق تعترضين بنقلك


كان تفاهمتي بالحسنى ورحتي للمدرسة وعاتبتيهم ليه يرمون اغراضك وهذا من حقك مانكر وطليتي بغرفة اكبر


لكن تشتكين وتكبرينها وانتي كل هالسنوات اﻻولى المفروض كنتي احكم منن كذا بتصرفك


تهديدك للمديرة مالك حق فيه اقصد بالرسايل اغلطتي صراحة


باﻻخير اقتنعي انه مو ملك لك وﻻ لغيرك المدرسة وغرفها ان صبفتي وﻻ غيرتي فهو بارادتك واعتبريها صدقة

انا وش مخليني ارضى باي وظيفه الا التدريس غير هالغيره والمنافسات غير الشريفه والتحزب, كن الواحد بحرب
النفسيه تقلب دماار, زود على هم التدريس


الله يعينك ويكتبلك الخير.. استخيري.