استشارة عن صفة في زوجي

بنات ابغى استشيركم وش التصرف السليم في مثل هالحالة؟ اللي عندها خبرة
زوجي على الرغم من ماديته البسيطة نوعاً ما إلا إن يعطي اللي حوله بدون تفكير بدون مبالغة
.
طفل يطلب مية ريال دخل يده وفتح محفظته وعطاه وعطى اللي معاه على مية
.
اخته تكلم ابوها( ماتكلمه لاحظوا وابوها الله منعم عليه) تبغى شي... يقولها تعالي انا بعطيك
.
وحدة تبيع شي بسعر معين اطلبه من عندها اقوله روح لهذا العنوان وجيبه ... يجي يقول عطاها مبلغ زيادة كثير... هالتصرف تكرر كثير
.
المشكلة هالحين مهو في المواقف نفسها بنقول كرم منه لكن المشكلة إن عادي يتسلف اخر الشهر وهذا طبعه وصرفه
.
عادي إذا طلبت شي أو هدية يفتح حسابه البنك ويوريني إن ماعنده إلا كم ريال ويرفض يجيبه لي... وعلى باقي اموره جد يتسلف واسمعه يكلم صديقه عن السلف
.
أنا اكره حياة الديون... اصرف على كثير من طلباتي من مصروفي من أهلي لأن ماحب يتدين من أحد
وفاتحته إكثر من مرة عن هالموضوع لكن حسيت ان خذ فكرة عني إني بخيلة او ماسكة
.
عجزت افهمه إن اللي يسويه كرم مهو عدل
اللي بيتكرم على الناس بمقدرته مهو يتسلف اخر الشهر وهاتك ياديون
.
حاولت ارتب له حياتنا واقسم دخله ونكتفي ويصرف ويتكرم بالمقدور عليه لكن ابد... معيي الرجال