بعض البنات تلاقي صعوبه بسبب اختلاف الطبايع الحين بعض البنات ماتقبل عادات العوايل مو الحين حضر وبدو الا اذا بتكون عنده استعداد تتقبل اي شي وتتنازل عن اشياء كثيرة بحياته

وضحي اكثر عشان نقدر نساعدك

واضح انك حضريه بتأخذين بدوي . حبيبتي البدوي اصل . اذا هو فاهم ومتعلم ومثقف . يكفيك يجيك اولاد اصل وشجعان . بس اذا مو متعلم صعب تتعاملين معه .
وعامه انتهي شيء اسمه بدو وحضر . للاسف ماأشوف هالشيء الا بالقصيم ..

يابنتي البدوي فيه خيره وشره والحضري فيه خيره وشره..........
بس اذا كنت من القصيم فأكيد ماراح تقدرين تتعايشين لان اهل القصيم الا من رحم ربي عندهم فوبيا"حضر بدو"

اعتقد هالمفهوم اندثر عن الناس الفاهمه والواعيه كل العالم هالحين متحضره ومتعلمه ماعاد فيه فرق بين طبايع وعوايد القبايل او العوايل واللي يحكم على فشل مثل هالنوع من الزوجات تكون نظرته قاصره
بالنسبه لي عايشه في وسط حاصله فيه هالنوع من الزواجات وماشاء الله تبارك الله ناجحه والله يتم عليهم وعموما اي زواج متوقف على مستوى فهم ووعي الزوجين واستيعابهم لحجم العلاقه الزوجيه ومسؤلياتها ماله علاقه بحضري او بدوي او قبيلي او غيره