استشارة نسائية اجتماعية

في البداية انا اخترت هذا المنتدى لان اغلبه بنات ( متزوجات - عزباوات ) والكل له خبرة في الحياة ولو كانت بسيطة :

انا اواجه مشكلة بسيطة مع زوجتي اتمنى ان تعطوني آراؤكم ومقترحاتكم ونصائحكم سواء لي او لزوجتي لأنها ستقرأ الموضوع ...


الموضوع انا رجال عمري 26 سنة واحب زوجتي اللي عمرها تقريبا 17 سنة ...
انا راتبي 6800 تقريبا يعني خلونا نقول 7000 مجازا ... عندي قرض قسطه 3000 شهريا على مدى خمس سنوات وأجار بيت 1200 شهريا .... كم باقي ؟؟

انا اقووولكم باقي 2800

حبي الزايد او المبالغ فيه يخليني اعطي زوجتي مصروف 1000 وشحن جوال 300 كل شهر ,,,
وانا في بالي اقووول انها تعرف وضعي وراح يكفيها المصرووف لنهاية الشهر ,,, واكتشف انه بعد مرور من 4 الى 7 ايام وفي محفضتها 6 ريال وشحن الجوال 0.00 ومع ذلك لم تشتري لها شي ملموس احس انه اضاف لها شي او للبيت ... وعلى مدار الشهر وجبتين على الأقل في اليوم من برا ( اي من مطعم ) على مدار اسبوعين تقريبا... بحجة انها صغيرة في العمر ...

علما بأن زواجنا له تقريبا 6 شهور ... واقدر اقووول انها مقصرة في البيت ... يعني كل اسبوعين اجيب خادمة لمدة يوم لتنظيف البيت ....

كل هذي في كفة .... وخالتي الله يعطيها العافية في كفة :(

يعني اول شي ماهي من النوع اللي تنصح وتنبه البنت بحكم صغر سنها ... بالعكس انا الاحظها تشجعها على الاشياء اللي تكره الزوج بزوجته ... مثل كثرة الطلعات للأسواق والتمشي بسنع ومن غير سنع ... المواضبة على العروس حتى ولو كان لشخص بعيد جدا ( مجرد معرفة سطحية ) الهدف من الحضور الوناسة والرقص والتعارف وغيرها من الأمور اللتي تجيب المصايب ...

الصراحة انا فاتحت معها موضوع الاقتصاد بحجة الجمع لتوفير البيت الملك او ارض على الأقل ومن هالكلام اللي يفترض انها تعرفها ولا تحتاج ان اتكلم فيها :(

المصيبة جاني رد والله كأن الفترة اللي راحت كلها ( 6 الشهور ) حلم عندي وصحيت من قوة الصدمة ...

تدرووون وش قالت ( " خلني اتوظف ويصير لي راتب عشان ما تقعد تتفلسف علي " ) .

علما بأني احبها وما زلت احبها ... بس ابي حل يعقلها واحس فيها ... يعني كل الامور اللي يفترض ان تكون بالزوجة ... تفتقدها هالبنية ...

وعذرا على الاطالة .... على فكرة راح اوريها الموضوع واقووول هذي ردود البنات منهم متزوجات ومنهم من تنتظر الزوج على احر من الجمر ( الله يرزقهم )

لذلك كرما ابي ردود حكيمة بعيدة عن الاستهتار ...

وشكرا ,,,