استشارتي

السلام عليكم ورحمة الله وبركاته
حابه اتكلم عن موضوع مقلقني هالفتره وبديت اوسوس
بالبدايه انا قبل ثلاث سنوات مريت بامراض نفسيه وتعالجت الحمدلله ومن بعدها وانا حاسه اني تغيرت من ناحية العلاقات وصايره سلبيه ومافيني اي نشاط وحيويه
انا اللي مشغلني علاقاتي مع الناس
اهل امي وابوي صايره ماحبهم ولا ارتاح لهم احسهم حسودين وكل واحد همه نفسه
صديقاتي نفسهم من شلة المتوسطه لحد الان بالكليه وقاعده معاهم امشي وقت فراغي و احتاجهم في الدراسه
اختي الكبيره من كنت صغيره بالابتدائي وحنا مشاكل وهوشات وانا كنت صغيره لكن هي كبيره وكنت تحاول تحطم شخصيتي بس الحمدلله ما أثرت فيني لين صرت ماتكلم معاها وارتحت منها ومن شرها وعجزت افسر تصرفاتها هل هي غير او وشي ؟ بس هالايام صايره تلمز وترمي كلمات بس مطنشتها
اخواني كانت علاقتي فيهم ممتازه بس بعد مامريت بالظروف النفسيه صرت ماتحملهم ولا اتحمل وجودهم نص ساعه
ابوي نفس الشي صايره ماتحمل وجوده اذا جا يتقهوى هجيت لغرفه ثانيه واذا قعدت بعض الايام تحملت ساعه بس هالايام الحمدلله خفيت شوي , الله يسامحني ويعيني على بره 💔
امي قبل كنت احبها حب وابديها على نفسي اللحين حبي لها عادي جدا مو مثل قبل 💔
وبالنسبه اذا قعدت مع وحده ماعرفها بالكليه استانس بالسواليف لكن اذا قمت احس اني مارتحت لها وهذا يصير لي مع اغلب الناس
صراحه انا صرت اشك في نفسي هل فيني مرض نفسي ؟ او هل انا طبيعيه ومالي حظ مع الناس ؟ وهالايام صايره افكر انه فيني مس 😢
اللي فيها مس كيف عرفت ؟
انا ابي الحق على عمري واشوف عن نفسي قبل مايتطور الوضع
ابي ارائكم وهل فيه احد مر بنفس حالتي ؟ عطوني نصايحكم ماعندي احد افضفض له واستشيره الله يجزاكم خير 💙