استشاره

السلام عليكم
بنات ابي اشاوركم بشي يخص صديقة طفولتي لاني محتاره مثل ماهي محتاره واخاف اوجهها بشي ويكون شي سيء لها خصوصا انت تطلب رأي بهذا الموضوع وابي راي كل وحده فيكم حتى اذا كانت متزوجه بالبداية انا وهي بوظيفه تعتبر كوسية نسبياً اكثر شي يميزها انه ما فيها اختلاط وثاني شي صديقتي من لما كنا بالثنوي وهي مريضه باحد مفاصلها طبعا المرض الي فيها شي داخلي يعني اذا كانت ماتشكي من اي الم كانها بسم الله عليها مافيها شي بس اذا جتها نوبة الالم الشديد تصيح وتصير ماتقدر تتحرك المهم انها هي راضيه بقدر الله والحمدلله الي صار ياجماعه تقدم لها ولد عمتها بشكل مو رسمي بس عشان ياخذ الموافقه حسب ماقالت اي عن الولد انه ماتعرفه حتى انها ماقد شافته حتى لماكانوا صغار الا من بعيد يعني تعرفه بالاسم بالنسبه له كخاطب مواصفته انه ملتزم ويصلي وخلوق حسب ووظيفته زينه حسب كلام ابوها المشكله انه الولد يسكن بقرية مع اهله ووظيفته الي يشتغل فيها بقريه ثانيه تبعد عن سكنه يمكن ساعتين يعني سفر صديقتي رفضت كذا مره لكن ابوها يقول ارجعي فكري لاتستعجلي شوفي عمرك لان عمرها ٢٦ الاشياء الي خلت صديقتي ترفضه اول شي انه راح تسكن بقريه وهي ماتبي وثاني شي انه هي زي ماقلت لكم عن حالتها الصحيه ترتاح تكون بمدينتها عشان لو قدر الله احتاجت مستشفى ولها قريبه لانه هم ادرى بحالتها ولانها سبق وصار لها موقف لماكانوا رايحين لقريتها تعبت وراحت للمسشتفى الي هنا والاستشاري بنفسه ما عرف وش يسوي فمشت طريق مع الالم مدة ثلاث ساعات وغير هذا هي عندها متابعات دائمه مع المستشفى الي بالمدينه ونص الشي الثالث انه راح تترك وظيفتها لانه بالقريه مافيه وظائف وحاولت تقول لابوها انه الولد بنقل للمدينه اريح له ولها بس ابوها مو مسوي اي شي ويقول لها القرار الي بتاخذينه انتِ بتتحملين نتيجته سواء ايه او لا
انا عن نفسي ما عرفت وش اقول لها انا ابيها بس ترتاح لانه البنت صايره بحاله اكتأاب وابوها مو مساعدها ولا مخليها مرتاحه باي قرار تاخذه وانا اشوف اذا هي مو مرتاحه ولاقادره انها تتاقلم مع عيشة القريه وتردد الولد على وظيفته كل يوم ارفضيه لانه مو شي حرام
وشرايكم انتم عشان اوصل لها واخليها تقرا
وعذرا على الاطاله