استشاره

اكيد الأعزب
راتبه لابأس بيه يعني بيعيشكم
مو عاطل ولا معدم
وش لك بالمطلق وجع راس
عيال وطليقة وقروشة

مهما تعددت الترشيحات لأي طرف فيهم تبقى الحقيقه ان محد فينا عنده الضمان لكل طرف فيهم .
مواضيع الزواج ترجع لظروف البنت وتفكيرها ورغباتها الشخصيه لان اللي يناسبني ممكن ما يناسبك ولا يناسب غيرنا من الناس
اهم شي انتي تعرفين وش اللي تبينه ويناسبك ويريحك بالضبط
وغير كذا لازم تسألون عن كل خاطب كشخصيه وتفكير وتعامل مع الناس والجيران والاصحاب و ... الخ اذا كفو واخلاقه زينه مو كل شي فلوس او اذا اعزب ومطلق لان في حاجات ثانيه تتعلق بمعاشرة الشخص واسلوبه وتعامله هي اللي تحدد
وبخصوص الشخص المطلق دايماً نقول اللي لها نيه توافق تتزوجه لازم تحط في بالها احتمال 50 %انه ممكن يرجعها بعد ما يأدبها بالزواج الثاني يعني لازم تكونين مستعده لهذي النقطه ومتقبلتها مو بس تتقبلين وجود اطفاله .
واكيد ما ننسى الاستخاره لان محد فينا يقدر يجزم لك مين الافضل

انتي اللي تقررين مو احنا
شعرفنا وش اللي يناسبك
يمكن انتي ما تصبرين على وجود عيال زوجك بحياتك حتى لو معاهم الخادمة
ويمكن عادي عندك
ويمكن تغارين اذا تواصلت طليقته معاه عشان عياله
شوفي اللي يناسبك
واذا الاعزب اخلاقه تمام ومحافظ على صلاته والكل يمدح فيه
استخيري ووافقي عليه
لكن اذا الثاني بعد تمام
استخيري بعد

يعني السؤال عن الشخص والاستخارة في كل الاحوال وراحتك انتي بعد مهمة
وفالك التوفيق

طبعا السؤال يفصل بينهم ايهم افضل دينا وخلقا

جزاكم الله خير جميعا
المشكله ما يبيها موظفه، هل تتنازل عن وظيفتها و يعوضها بمصروف شهري؟
ماديته زينه بس ماشاء الله عنده ٦ عيال مع أمهم يقول يمكن ياخذهم مع خادمتهم عنده
شرط عليها ترك الوظيفه