غاليتي...
انا لا أعلم بأمور القضاء والحضانه ولكن البنات معاه بعد7 مالم تتزوجي والولد يُخير
ولكن انتي احسبيها نفسياً وعقلياً انتي محرومة من كبدة فؤادك وبهجة قلبك وهم اطفال
وصدقيني بهذه السنتين أكيد الحب بيكون لمن كانوا معاهم واهتموا فيهم وبتربيتهم يعني
لو اعطوك الحضانة بتتعبي شوية وماتدري متى يمكن اكثر من السنتين ويمكن ضعف السنتين إلى ان يصدر الأحقية لمن وبكذا انتي جالسة لا من اطفالك ولا من بناء حياتك بما يسخره ربنا لكِ حابه تبدأي حياة زوجية جديدة
أولاً علشان نفسك اذا حابه تستمري بوضعك عند أهلك كمان يرجع حسب نفسيتك
لاتقولي بأتزوج علشان قرب المسافة على عيالي يمكن اهل طليقك وطليقك يمنعوك يمكن ظروفك ماتسمح للزيارة الدائمة ممكن زوج المستقبل تتغير ظروفه اللي وعدك علشانها ويمكن غيرته كرجل تحز بخاطره تواصلكم
لاتفكري بالزواج علشان أطفالك .
فكري واستخيري وإذا ربي كتب لكِ زيارتهم وحضانتهم بييسر لكِ شوفتهم لو كانوا بالشرق وانتي بالغرب
ربنا يسخر كل شيء وأكثري من الدعاء والإستغفار وأعرف انه اولادك عندك أغلى من الدنيا وإللي فيها وما أقول إلا
الله يحنن قلب أبوهم عليك ويهديه للطريق الصحيح.

انا اعرف اني اذا تزوجت بتعرض لمشاكل من طليقي وراح يمنعني من زيارتهم او هم يزوروني لان سبق وهددني لو تزوجت ماراح اشوفهم طول عمري بحجة مستحييل اخلي عيالي ببيت رجال غرييب!!قلت طيب خلهم عندي انا اربيهم ومستحيل اتزوج ومستعده اسوي تعهد بالمحكمه لكن مارد علي.. والله القاضي من قسوته وظلمه قلت له ابي اشوفهم طيب لي كم سنه ماشفتهم ولا كلمتهم قال هو ابوهم مقدر اجبره يجيبهم ولسى القظيه منتهت قلت ابي اروح لهم انا قال اذا بتروحين نعطيك امر من المحكمه تشوفينهم مره وحده بالاسبوع ببيت ابوهم وربي بغى يغمى علي قلت كيف اتعنى واسافر لهم وما اشوفهم بس مره بالاسبوع ؟! قال يوم واحد بالاسبوع ست ساعات بس. .حسيت النيا اظلمت في عيني كييف انا امهم وهاذا حكم المحكمه لي ليه الظلم هاذا كله والى متى..

لو اني منك اروح معي اخوي واخذهم من بيت اهله وارجع لبيتي وابن امه يقدر ياخذهم من بيتكم ولتراح للشرطه بتقول له العيال مع امهم وخله هو يتمرمط بالمحاكم يطالب بحضانتهم صيري قويه وروحي خوذيهم من مدارسهم ولادبري الموضوع انتي وواحد.من اخوانك تعتمدين عليه

إذا طليقك يتأثر بالرساله.ارسلي له الله يحرمك من سمعك ومن بصرك ومن رائحة الجنه الله يحرمك من سعادتك وصحتك ..الله لايسامحك لا بالدنيا ولا بالاخره..
وإذا عندك احد من اخوانك ولا ابوك خوذيهم بالقوه....وروحي لامير ولا شخص معروف بالبلد وكلميه يتدخل بحل امورك بأمر منه ينتهي كل شي..

حسبي الله ونعم الوكيل على كل زوج ضالم وكل قاضي ضالم

الله يحرمهم صحتهم وسعادتهم مثل مايحرمن الام من ابنائها

انا تو تطلقت طلقه اولى ومستحيل ارجع بس خايفه من ضلم المحاكم وولدي صغير ماتم سنه وجاء ابوه بياخذه الليوم ورفضت لاني خفت مايجيبه وماقول غير حسبي الله ونعم الوكيل

انتي لاتسكتين روحي لشيوخ او امراء روحي لشرطه كلمي مراكز اصلاح ذات البين كلمي كل الشيوخ الي تعرفينهم روحي اخذيهم غصب من مدارسهم ويجيبيهم عندك ولا تسمحين احد ياخذهم سوي كل شي واجهي لاتقعدين تحترين هالمحاكم ارفعي برقيه لديوان المضالم سوي شي تحركي اي دين هذا الي يمنع الام من عيالها سنتين حسبي الله عليهم الله يزلزل الارض تحت اقدامهم اذا رحتي للقاضي وعيى تحسبي عليه وادعي عليه قدامه الله ينتقم منه ورددي قول حسبي الله ونعم الوكيل وصلي قيام الليل وابكي وتضرعي لله استغفري كثير اطلبي ربي يرد عيالك لك تصدقي بنية رجوع عيالك
قسم بالله المره مضلومه بهالبلد حسبي الله عليهم مايطبقون شرع الله
الله ينصرنا لاحول ولا قوة الا بالله