استشاره الله يجزاها خير الي تجاوبني باخلاص وبذمه وضمير اما الي بتجاوب بدون ذمه انا ما اسامحها وحسيبي الله عليها لان الموضوع مصيري وبجمع اكبر عدد من الاستشاره عشان ما اندم

انا متزوجه من اربع سنوات وام لطفلين ماشاء الله الله يحفظهم ويصلحهم

متزوجه انسان معاملته سيئه جدا جدا مدت اليد والطرد من البيت سهله عنده كل الرجال وقت الزعل وخري عن طريقهم وبلاش النقاش في هالوقت لان الشيطان ثالثكم

انا ساكنه فوق اهله بدور مصروق البيت بيت ابوهم ورث اخواته متسلطات ووحده منهم مطلقه وقاعد عند امها الحال من بعضه حاسه فيك ما كانها مطلقه هي الي تامر وتنهى بالبيت يبغون اهلها يعوضونها عن اللي صار لها فمعطينها وجه شوي وكل ما جيت اسلم على خالتي تقعد تنتقدني خاصه عند عيالي اني ما اهتم فيهم اهتمي بعيالك صح علشان محد يفتح فمه ولو باقي قالت شي قولي محد احرص مني عليهم وقفلي الموضوع واخوها يسمع واذا رقينا فوق سوي لي مشكله كبيره على كلامها وكل مشاكلنا عشان ليش ما رديتي عليها فلانه ليش علانتانه ما سلمتي عليهم الخ كلها مواقف سخيفه يبوني اوجبهم واعبدهم عباده وهم لو ما وجبوني ياويلك تتكلمين واذا سبيتهم او قلت له انت تسمع كلام حريم تكبر السالفه وتوصل للطرد والضرب ويكلم اهلي ويقولهم تفاصيل التفاصيل الى سوالف الفراش تنقال ويكذب عشان يصير كل شي من صالحه عامليهم باصلك وانتظري الاجر من الله مو منهم احترمي العجوز لأجل الله اولا امر باحترام الكبير حتى لو ماحبيتيها اما البنات فانتي حسني اخلاقك معهم لان الرسول صلى الله عليه وسلم امر بحسن الخلق وقال ادناكم مني منزله يوم القيامه احسنكم اخلاقا لاتقولين مايستاهلون انتي تسوين كذا لله مو لهم وكل هذا بحدود الرسميه واذا سولفوا خذي اللي يعجبك واللي مايعجبك طنشي وريحي راسك ولاعاد تتناقشين مع زوجك فيه ........والله ماتتخيلين اش سووا اهل زوجي فيني لكن من يوم قررت اعاملهم برسمية وادب وخصوصية ارتحت ..وكلن حسابه عند ربه..والاهم ارتحت مع زوجي كثييييييييييير وكبرت في عينه يوم عرف اني العاقلة وهم اللي الخراب في رووسهم لكن اذا هم شينين وانتي عصبية بتجننون المسكين

الفلوس من اول زواجنا وهو يحاول يخليني اصرف معاه على البيت والعيال ويحاول ويحاول مره بالطيب ومره بالقوه مع انه كريييييييييييييييييييييم جدا مع خواته وبناتهم وراتبه يكفينا وزياده لاكن الحمد الله قويته لاكن بحرووووووووووووب ومشاكل وضرب ومو مقتنع ابد انه من حقي الشرعي انه يمشي لي مصروف يقول حقك بس الاكل والكسوه يصرف لاكن بالمشاكل والحروب والغثا كل شي بالرفق السياسة يجي اما بالعناد مستحييييييييييييييل تطلعي بنتيجة وانتي ماوضحتي قد ايش تبغي مصروف وبعدين ياغالية المصروف للكسوة والاكل فاذا وفرها فلا تزعلين

ما يحب لا السفر ولا التمشيات ابد والسفر للخارج مستحيللللللللل حتى شهر عسل ماسافرنا برا لا تهملون هالنقطه لانها مهمه عندي كل مجتمعنا ما يعترف الاباوربا وامريكا وانا اشحذه سيريلانكا واقوله انا بعطيك من هدايا النفاس بس خلنا نغير جو ورااااااااااااافض علشان ترتاحين لاتقرني نفسك بأحد ابدا" واذا لك نصيب بتجيك لحدك

احس فيه لاعانه وعناد يعني اذا عرف اني ابي هالشي حرمني منه يعني اذا الحيت بالطلعات صك علينا بالاشهر
اول سنه زواج كان يشتغل بنفس الديره الي فيها اهلي واهله وبعدها نقل لمدينه بعيده وحاطني عند اهلي معلقه سنتين ونص بس يمر على بعد شهر او شهرين عشان ينام معي فهمتو وش اقصد وبعدهايفتعل مشكله ويطردني من البيت وكل مشاكلنا تخص خواته ورافض ياخذني انا وولدي معاه بحجة اني ما ابي تسوين لي مشاكل يكفيني هم الشغل خلاص صفحه وانطوت لاتفتحيها وتعايرينه كل شوي باللي راح ترى بتخسرينه وتزودين العناد براسه والظاهر اسلوب الالحاح مايمشي مع زوجك دوري اسلوب غيره

الحين قبل 4 شهور تكرم الاخ وجابنا معاه وابعدنا عن خواته لاكن المشكله الاكبر فيني انا صرت ما اتحمل منه ولااااااااااا شعره اي خطا منه انفجر صرت اتلفظ عليه واتفل بوجهه مثل ما كان يسوي لي ياعالم غصب غصب عني اي خطاء صغير منه ارجع اماضي وارجع مشاكل خواته لاكن ما صار هو يفتعل مشاكل لاكن المعامله السئه مثل الالفاظ+رفعة الصوت+اي شي مني ما يبيه وينتقده يعني ان طبخت طبخي موب زين ان تقربت له بالفراش فراشك موب زين ان اهديت له ما يتقبل هديتي انا قعدت معه اسولف من زين سوالفك كل شي مني سيئ+اللعانه يعني الي تبينه انا بسوي عكسه الحيت بالطلعات صك علينا شهرين وهو قبل يطلع مع اخوياه ؟!!!!!! لااااااااااااااااااااااااا تعليق الله يصلحك ويصلحه



المهم قبل 3 اسابيع صارت مشكله بيننا ورحت وديته للشرطه؟؟؟؟؟ ليه ردود افعالك قويه وتعالجي العنف بعنف لانه مد يده علي ودايم يمد يده وبعدها قال خلينا نفتح صفحه جديده وبعدها طلعنا نتمشى وسافر فيني لمكه وجده وفي البدايه كنت انا اهاوشه طول الطريق لاني سالته عن شي وزقرني فا انفجرت عليه ماني متحملته يا عالم وقلت له اذا خلصت عمره استخير بالطلاق وقالي انا جايبك هنا عشان نفتح صفحه جديده ونتذكر ايام شهرالعسل وبعدها زانت نفسياتنا واستمتعنا لاكن طلبت منه فلوس بجده وعطاني مبلغ بسيط وقالي اصرفي من عندك واعطيك اذا جينا وبديت اشتري على راحتي من فلوسي وشريت له بلوزتين هديه من فلوسي يوم رجعنا لديرتنا شانت نفسيتي لاني شريت البلوزه بسعر غالي ومن فلوسي ولا حتى ناظرها وغير كذا ليش تقولي اصرفي من جيبك وبعطيك وبالنهايه ما عطاني شي اذا دخلت الماديات في حياة الزوجين خربت ..والرجال مايصرف على زوجته الا اذا درى ان مامعها فلوس اما انه يدري ان معها فلوس ويعطيها نااااادر ماتصير هذا اذا مااخذ من عندها وترى حركته حلوة في السفر وتغيير الجو لاتخلين الشيطان يذكرك العيوب وينسيك المميزات


قامت الدنيا عنده قال انتي ما فيك فايده سفرتك ابي افتح صفحه جديده انت طاااااااااالق وانا لي اربع شهور بعيد عن خواتي ومع ذالك المشاكل لازالت موجوده وترجعينا لهم لاني دايم اقوله انت تكرهني لاني ما خشيت مزاج خواتك لو انهم حبوني كا ن صرت خاتم باصبعي طلعييييييييييييهم من راسك وعيشي حياتك انتي محترقه وهم مادروا
انا الحين محتاره هل اجلس واحسن له عشان ينصلح حالي معاه ولا اروح لاهلي واقط البزران عليه يمكن لعل وعسى يتادب
الشي الثاني ان الشغاله وحده من جيراني تقولي ابشتريها منك انا ما ابيها تكون مع البزران عند اهله لانها بتشيل مسؤلية البزران عنهم ولا راح يتضايقون منهم هل ابيعها على جارتي واقول انها انحاشت
ولا اعطيها ايها اقول وديها لامي بديرتي لانها بتسافر واقول لزوجي انها انحاشت عشان ارمي البزران عند اهله كا وسيلة ضغط عشان يتأدب....غير كذا خايفه تكون جارتي قليلة خاتمه وتاخذها ما لي الا شهرين مصادقتها لاكن ما شفت منها الا كل خير... اوووووووص ماكأني سمعت شي شيلييييييييها من بالك
انا فيني عيوب وهي رفعت الصوت وهو اذا رفعت صوتي ظربني عجزت اظبط صوتي اذا عصبت
بااااااااااااااارده وهو دايم متضايق من برودي لايغير الله مابقوم حتى يغيروا مابأنفسهم
الفتره الاخيره الثلاث شهور بديت اتلفظ عليه اتفل بوجهه واحيانا امد يدي عليه
اذا سوى لي اي شي اشكره بوقتها لاكن اذا تهاوشنا قلت ما شفت منك يوم حلو
مع خواته دااااااااااااااايم ساكته عشان ما اتعرض لمشاكل ومن قبل سنتين وانا منقطعه عن دوريتهم ابي ابعد عن المشاكل لاكن ما فيه فايده وغير كذا صرت ما اطيق اشوف خواته انزل لامه لحالها الصباح وانا كويسه مع امه لاكن مو عاجبه وخواته انزل لها باليل لاكن ما اطول خلااااااااااص النفس طابت منهم


وهو فيه ايجابيات هو ما يطلع من البيت ماشاء الله روعه زوجي يسهر ليليا" للفجر قولي الحمد لله الله لايضركم
احيانا يتأسف صفه ناااااااااااااااااااااااااادرة تنشرى بالالوف
ما هو راعي علاقات انا ما فتشت وراه لاكن ما شفت شي حتى الان ولايطرى على بالك تفتشين
اغراض المطبخ والصيدليه تجي بسهوله اما الباقي بمشاكل احسن من غييييييييييييييرك اللي ماشاف لامطبخ ولايحزنون

الله يعينك

انا مو متزوجه بس بعطييك نصيحتي ولا تستهينيين فيها ترى قريباتي المتزوجات انا مستشارتهم وكلهم يلجأون لي لاحصلت لهم مشكله <<يقولون ان عقلي يوزن بلد <<<:09:

اولا //أهنيك على صراحتك قلتي عيوبك وقلتي مميزاته
شوفي يالغلا الرجال اكره ماعندهم الصووت العالي سواء من الزوجه او البنت او الاخت ويمكن انتي تستفزينه بصوتك العالي وبكذا تكبر المشاكل يأختي إذا هو شد انتي ارخي

ثانيا /// أنتبهي ترميين عيالك عليهم نصييييحه ماتدرين عن الظروف يمكن لما ترمين عيالك احد يكبر السالفه براسه ويتم الطلاق وعيالك تحلميين بشوفتهم لانك انتي اللي راميتهم ومستحييل يعطيك اولادك

ثالثا// أحمدي ربك ان زوجك ماهو راعي علاقات وخرابيط ,,وهذا دليل ان لك مكانه عندك شووفي القسم كله مواضيع مليانه بالخيانات الله لايبلانا ومافي شي يحر قلب الزوجه غير الخيانه
اكيد ان لك مكانه بقلب زوجك عشان كذا مافكر يخونك لكن يمكن هو مايبين هذا الشي من كثر مشاكلكم

رابعا //الرجال فيه خير والدليل قال نفتح صفحه جديده وهذا بعد ماوديتيه الشرطه ,,وانا ضدك بهالشي انتي خليتي نفسك بكذا سااالفه ونشرتي غسيلك عند الناس

خامسا//استخيري ربك بدل المره مئه مره انا اشووف انه تعطين نفسك فرصه ثانيه وتناقشينه بهدووء وتقولين ع الاشيا اللي مضايقتك منه اذا مايتقبل اكتبيها برساله وناقشيه فيها له وهو خليه يكتب اللي بقلبه ومزعله منك برساله وابدئي بالتغييير وياااريت انتي تغييرين من نفسك واطباعك لانك مثل ماتقوليين انك مو متحمله منه شي يعني ممكن نفسيتك لها دور بإفتعال المشاكل

سادسا//نصييحه روحي لراقي شرعي يمكن اللي فيكم عين او حسد ترى الناس ماتعطي خييير ,,ولاتقولي على ايش عين ونفس ترى الحين الناس تحسد حتى على الموته يعني لاتستتفهين هالامر يمكن عين او نفس او حسد او سحر لاسمح الله

والله يوفقك دنيا واخره ,,ودعواتك لي ان الله يفرج همي عاجلا غير اجلا ويرزقني من حيث لا أحتسب

اسمحيلي شكلك تجبين البلا لنفسك

من طولة لسانك كثير انصحك تغيرين اسلوبك بالزعل وبالرضا

انتي لا رضيتي عطيته اللي وراك وقدامك ولا زعلتي خربتي كل شيء

الرجال ياغنوتي مايجون الا بالطيب والكلام المعسول مو بالهواش والمناقر

وسالفة الشغاله ليه تبيعينها ؟؟!! مانتي موظفه من جابها اتوقع زوجك

مو من حقك تتصرفين فيها اذا كان هو اللي جايبها

واحمدي ربك واشكريه انه مو راعي علاقات وبنات

مشاكلكم احسها تافهه دام علاقتك بامه زينه ماعليك من خواته

عشان خاطر زوجك اسمعي من اذن وطلعي من الثانيه

صدقيني بتكبرين بعينه

والله يصلح شأنكم

انا من رأيي تقعدين معاه قعده هادئه جداااا
وتقولين له انه لازم يعطيك مصروف خاص لك ولاطفالك شهريا ولازم وهذا حق من حقوقك واتصلي على شيخ قدامه واساليه هل النفقه واجبه على الزوجه ولالا وخليه يسمع المكالمه وقوليله انا احق من اخواتك وبناتهم بالكرم اللي توزعه عليهم ويا اختي انتبهي يعلى صوتك بصوت ناعم وهادي ياريت بعد يكون الجو رومنسي عشان تكون اعصابه مرتخيه
انا اشوف انه مريحك وجايب لك خادمه للاطفال وانتي قلتي اغراض المطبخ والصيدليه تجي بسهوله معناته متحمل مسؤوليه البيت كامله
اما بالنسبه لمده اليد والصراخ معليش اختي المفروض من اول مره وقفتيه عند حده لانه كان يجرب وشافك ساكته وعادي فـ صار يتمادى بالنسبه لك انا حاسه فيك والله انك الحين ما تتحملينه من المواقف القديمه لكن ما اقولك انسي حاولي تتناسين وانا عارفه ان قلبك مجروح منه سامحيه عشان اولادك حرام مالهم ذنب
حاولي تدخلين احد من اهلك امك او اخوك انه ينصحه يكون معك صبور وحليم والحرمه دايم تجيها اوقات تكون معصبه وطفشانه وهذا شي خارج عن ارادتك لازم يقدر ويمشي المسائل
وانتي بعد مشي الامور وحاولي تكونين شوي حاره بدل البرود اللي تعانين منه ترا الرجال يحب البنت اللهلوبه وبنفس الوقت رايقه ودام عندك خدامه فرغي الوقت لك

وشفت لك رد تقولين الكره مالي قلبك
اختي حبي نفسك اول شي صدقيني ما يهمك حبيتيه ولالا ومع الايام هو اللي بيتعلق فيك
حبي نفسسسسسسسك الاول ’’ اهتمام دلع رشاقه صحه لبس مكياج جسم كلو كلو اذا حبيتيها بيحبك