السلام عليكم
كيفكم
حدخل في الموضوع
انا عندي بنت عمرها سنتين و 5 شهور بس فطمتها حملت لاني ما كنت استعمل مانع
ايامها الدكتور كتبلي على حبوب منع الحمل حقة الرضاعه ميكروليت ما ناسبتني كان ينزل عليه دم الله يكرمكم طول ما انا بستعملها غيرها لنوع تاني ما نفع في الاخير وقفتها و وكلت امري لله
دحين رحت للدكتور و طلبت مانع لانو حكاية الحمل و الولاده و طفل تاني عاملالي حاله نفسيه والله :44:
قال اللصقه و الحلقه كلها ما تنفع مع الرضاعه :44: و طبعا حبوب عاديه ما اقدر اخد عشان لا ينشف الحليب
قال اركبلك لولب قلتلو ممكن احمل عليه
قال حبوب منع الحمل حقة الرضاعه
قلتلو اني استعملتها قبل كده و كان ينزل دم
قاللي لانو جديده عالجسم و يبغالو وقت عشان يتعود عليها
ففي الاول خدي حبه فتره و اذا بينزل دم نخليها حبتين بعدين نرجع نخليها حبه
الحبوب لغاية دحين فوق التسريحه و خايفه اخدها و متردده
الله يسعدكم في احد فيكم جرب الطريقه دي ونفعت معاها؟
الله يخليكم ريحوني ما ابغى حمل دحين ما ابغى لغاية الخمس سنين الجيه
jejeeid @jejeeid
عضوة مميزة
يلزم عليك تسجيل الدخول أولًا لكتابة تعليق.
الصفحة الأخيرة
بنتي الصغيره عمرها شهرين