الله يفرج همك
ويجمعكم على خير
بس ليش الرضوه يبيها بينك وبينه؟؟

مادري شقول لك بس اناالحين عايشة نفس موقفك تماما ..شرطت  عليه يرجع فلوسي والحين يماطل....لكني رفظت ..لاني لايمكن ازعل ابوي عشان  واحد ماني ظامنته...لو هو فعلا جاد وصادق وعارف انه ندمان ماراح تعوق معه العشره الاف  بس والله هالرجال سار ندهم استخفاف فظيع في بنات الناس

لمن جاب الورقه عطاها لاابوك يعني كان يعرف الواجب وقتها............................... اذن من باب الاحترام والتقدير لك كونك زوجته وام ولده يجي من الباب اللي نهى العلاقه منه قبل ............................................................
من حقك ترجعي وهذا قرارك في الاول والاخير بس ماترمي وراك حق اهلك عليك هو لمن طلقك ماحسب حساب مشاعرك ولاكلام الناس عليك لكن اهلك هم من زعلوا لزعلك واخذو همك

لازم تطلعي من بيت اهلك معززه مكرمه ويفركون اذنه عشان مايعيدها لانك غاليه في نظر اهلك وهو اذا يحبك وشاريك بالتاكيد ماراح يعارض وراح يسوي اللي يرضيك

وفي النهايه القرار بيدك انتي وا لله يوفقك

والله يالغلا لو كنت أختي بنت أمي وأبوي راح أنصحك قبل ككككككل شيء تعرفين وش سبب الطلاق ؟؟!!!

الحين قاعدة تفكرين بالرجوع والرضوة وتكلمينه بالجوال وماعرفت للحين وش السبب ؟؟!!!

لابد تعرفين وش السبب حتى ماينعاد الطلاق مرة ثانية !!!!

أنت الحين بترجعين له على عماك ؟؟!! ماتدرين على وش طلقك ؟؟!!

طيب وش يضمن إن السبب المجهول هذا ما ينعاد ويطلق الرجال مرة ثانية ؟؟!! أمرك غريب يالغالية شكلك مرررة متلخبطة فماطرى على بالك تسألين عن السبب ؟؟!!

ترى من حقك تعرفين السبب الحقيقي مش يسكتك بكلمتين ...لا ... حياتك غالية وإنت لك قدر مش حياتك لعبة يطلق على سبب ماتعرفينه وعادي ثم يبي يرجعك وإنت ماتعرفين السبب وعادي ....لا ...يالغلا ...مكانتك عالية وحياتك ثمينة ماتضيع كذا ...

ولما تعرفين السبب الحقيقي للطلاق طبعا تتشاورين مع أهلك في الموضوع كله على بينه وكل خطوة تتخذينها هم عارفينها وبعدين تردون للرجال قراركم ولو بيحصل رجوع ورضوة ينشر قدام الكل زي مالطلاق انتشر قدام الكل بعد ..ترى الأمر ماهو سهل وهين لا .. ... كذا راح يحط لك ألف حساب وألف منزلة مش على كيفه يطلق ثم على كيفه يرجع ...ليه حياتك ومشاعرك رخيصة لهالدرجة يعني ؟؟؟ الله يهديك بس .....

وهذا رأيي يالغلا لو ناسبك أخذي به بس تراني عديتك أختي وكتبت لك رأيي من قلبي زي لو كانت أختي مكانك ...

والله يفرج همك ويختار لك الخير ....

انا برئي ااقرئي سوره البقره يوميا يوميا الى ان تنتهي مشكلتك على مشيئه الله تعالى ااقرئي القران وااقرئي سوره البقره يوميا يوميا الله يحفظك يارب قدم لما فيه الخير لها بجاهك سألتك يارب اختي غلى فكره انتي حبوبه هذا ماقرئته مابين السطور الله اعلم