استشاره سريعه خواتي الي تعرف احد بمكتب العمل او التامينات

السلام عليكم ورحمه الله وبركاته
من زمان عن عالم حواء حتي معرفي نسيته بس مالي بعد الله غيركم استشيره واخذت معرف صديقتي واتمني تفيدوني خواتي في الله
انا اشتغلت بمحل ملابس عند رجال مايخاف الله وكان راتبي 3000 ريال فقط بعد خصم مبلغ التأمينات ووافقت ورضيت واتفقت معاه اذا حصلت وظيفه افضل اقدم استقاله فوريه واطلع وهو قال لي اوك ماعنده مشكله واشتغلت معاه 6 شهور تقريبا
الي صار حصلت لي وظيفه تناسب مؤهلي العلمي وراتبها 6200 ريال وقالو لي تقدري تباشري العمل بس ينزل اسمك من التأمينات بس لا اتاخر عن أسبوعين وقبلت ولما قلت له تغير رايه وقال لي ادفعي لي راتب شهرين او تداومي شهرين اجباري مافي شي اسمه استقاله فوريه وانا اقبلها وقال لي بعد راتبك هالشهر مابينزل لك اذا ماتكملين معاي وانا من القهر طلعت وتركت له المحل صار لي متغيبه 4 أيام وللحين ماادري وش اسوي او كيف الإجراءات قال لي اخوي انقطعي عن العمل وبعد 15 يوم بيجيك فصل وتقدري تشيلين اسمك من التأمينات والله اعلم فالي عندها خبر او علم تطمني لاني جالسه علي نار مو عارفه وش اسوي والا كيف اتصرف وراتبي الي احتمال ماينزل انا بامس الحاجه له هل اقدر اشتكيه لمكتب العمل لو مانزل راتبي او لا ياريت تساعدوني خاصه اهل الخبره والف شكر لكم خواتي