استشاره عاجله

السلام عليكم 
بنات انا متزوجه من 3 شهور والحمدالله مرتاحه معه جدا وتعامله معي انحسد عليه ماشاء الله تبارك الله 
المهم هومتوظف وراتبه 10 الاف والحمدالله ماعنده اي قروض ابدا ولا ديون لانه يخاف من القروض يقول اللي ياخذ قرض تندمر حياته ومايشوف البركه 
وهاجسه الوحيد البيت الملك وبيوفر عشانه يقول بأذن الله بملكه وانا لسه مادخلت الثلاثين
بعد اخذ ورد بسالفه المصروف قرر يعطيني2500 بالشهر اتصرف فيهم للبيت اكل وشرب ومنها الفواتير والبنزين طبعا ماعندنا فواتير بس كهربا ميه ريال وجوالي ميه وهو 200 كل شهرين والبنزين يقول عطيني خمسيه مصروف لي وللبنزين والباقي مصروف الاكل مع العلم انه غالبا اكلنا من المطعم بس مانروح الا 3 مرات تقريبا دايما الاكل يجينا وجبات او بروست يعني مو غالي زي لما نروح 
هذا المصروف مو داخل فيه لا الاجار ولا السفريات هو يحب يسافر برا كثير وواعدني بسفرتين خلال الشهور الجايه ولا داخل  بهالمصروف  الظروف الطارئه مثلا اجهزه جديده او عزايم 
لو مكاني توافقون والا تطلبون زياده والا تاخذون خمسميه مصروف لكم وماعليكم من الباقي