استشاره في موضوع خطبه

السلام عليكم ورحمة الله وبركاته
يا حوائيات أنا ودي أشتشيركم بشي
وأتمنى اني الاقي عندكم الراي اللي ممكن يساعدني
أنا بنت عمري 22 سنه
تقدم لي واحد يقرب لي من بعيد مره وكان رد أمي لأمه مباشره انه البنت توها ماخلصت دراستها وانتهى الموضوع وبعدها راح وخطب وحده ثانيه وملك عليها لكن ماحصل نصيب لسبب معين أنا عرفته
رجعوا مره ثانيه يخطبون لكن هالمره أبوه مع ابوي رد عليهم أبوي نفس الرد البنت ما بعد خلصت الجامعه وكان ردهم حنا شارين البنت واللي تبونه يصير يعني بينتظر لما أخلص الجامعه
مالكم بالطويله انا وافقت وصارت النظره كان فيه بعض الملاحضات لكن تغاضيت عنها لوجود بعض الصفات اللي عاجيتني ولو انه اللي قاعد يحصل الان مخليني اندم
طبعا صار ع النظره أكثر من شهر الان هم ردوا مباشره بعد النظره يعني وهم في المجلس بعد ماصار النظره قالوا ننتظر رد البنت
اخذت لي كم من يوم وبعدها وافقت
انا استخرت لكن انا بطبعي قلقه جدا ودقيقه مره قلت يمكن عدم الراحه هذا او القلق شعور طبيعي
بس الان جاء العيد وانا مررره مستغربه ومتضايقه بنفس الوقت لأنه ام الولد ماكلمت امي ولا أبوه كلم ابوي ولا الولد نفسه اتصل يسلم على ابوي يعني مر العيد وكم من يوم ولا دقوا
هم طلبوا الملكه بس انا قايله لأهلي مافيه ملكة قبل الصيف طبعا ابوي قالهم خير ان شاء الله ماقالهم لا صريحه بس وضح لهم رغبتنا
هم طلبوا الملكه بنفس المكالمه اللي عطاهم ابوي فيه الرد وقال الله يحييكم
ولحد الان ولا مكالمه ولا شي
في نظري هذا انه المفروض دقوا لو تهنئة العيد هذا يحسسني انهم ناس طيبين وفعلا شاريين
انتم وش رايكم فيه بعض التفاصيل ماقدرت اذكرها يعني لو احد ممكن يعرفني او يعرف الولد
يعني وش رايكم مو المفروض يكون الولد داق يسلم على ابوي انا اقول مو يتلزقون بس ع الاقل يسوون الواجب
المشكله انه هذا الشي انا اشوفه مو من بوادر الخير
عموما لاتقولون لي ظروف هذا اتصال مو سفر ولا راح ياخذ وقت
تبون الصراااااحه انا اقول يمكن الأب ضغط ع الولد عشان ينتظر والولد مستعجل ع الزواج
100 سبب يجي ببالي أنا ودي اقول لأبوي خلاص ما ابيه
بس ابوي منبه علي من قبل فكري زين لأني لو قلت كلمه للرجاجيل ماراح أغيرها الا بسبب مقنع وشي ماينسكت عليه
شوروا علي