استشاره لجميع العضوات (تفصيل الفستان وانتي في بيتك)

السلام عليكم ورحمة الله وبركاته

في مخيلتي فكره واريد اعرف مدي نجاحها انا لدي خياطه وعندي موهبه التصميم لكن لم ادرس هذا الفن :(00وكثير صممت لهم وماكانت مهنه لكن حاليا بديت امارسها كمهنه وليست فقط هوايه والحمد لله اموري تمام 00 ولو ان مسأله التصميم صعبه حاليا لدي فهي فقط تقتصر على فكره الموديل لم تتعداها لتصميم الاقمشه لاني مازلت هاويه فقط ورغبه مني في زياده الدخل اصبحت البي رغبه الزبائن حتى لو كانت من تصاميمهم او كتالوجات يعني صرت مثل المشاغل وكمان غالبيه الزباين يطلبوني انا اوفر لهم القماش يعني مريحتهم على الاخر واسعاري جدا معقوله الا اذا طلبت الزبونه تصميم خاص وخامه قماش غاليه جدا
وكثير يكلموني من خارج الرياض وفقط يقولون لي شكل اجسامهم ولون بشرتهم ويسلمون الذوق كامل لي لانهم يعرفوني عن طريق معارفهم لكن ارفض الا اذا تم دفع عربون بحسابي
لكن احب اعرف هل لو استقبلت طلبات الزباين حتى من خارج الرياض عن طريق ارسال الموديل والمقاسات ورغبتهم بنوع القماش والون عبر الايميل وبعد ان يتم ادخال مبلغ العربون على حسابي اقوم بتنفيذ الموديل كيف بيكون هناك ثقه بالتعامل وكيف بيكون ضماني لهم لانهم دخلو المبلغ بحسابي ؟؟
فاتمنى اذا وحده عندها خبره بهذا الامر تشرحلي لانه صعبه التعامل مع اغراب بمبدأ الثقه فابي طريقه يكون فيها اثبات لحقوقهم عندي لاني كثير طلبوني لكن صعبه اشتري القماش واتخسر ماديا وبعد وقتي يروح على زبونه ماسلمتي حتى عربون وانا معاهم لانهم حتى هم مساكين ايش يثبت لهم حقوقهم؟؟

فرجاءا ابي اعرف طريقه لذلك لان كثير يفضلون هالطريقه حتى من داخل الرياض يتعاملون معي بالايميلات ولايطلبون حتى بروفه على الفستان ! كله تكاسل من الطلعه ! لكن طبعا يكونون سبق لهم التعامل معي علشان كذا مايشيلون هم البروفه وانا جدا اخجل منهم لاني احب يكون تعاملي معهم كله موثق حتى لو كنت انا استلمت حقي لكن يهمني ثقه الطرف الثاني اللي لانه لابد يكون هناك مايثبت حقهم ..
ولاني ارغب بالتوسع مع اكبر عدد من الزبائن اريد حل اذا فيه حل ؟؟؟؟؟فانا لم اسجل بهذا المنتدى الا بعد ان سمعت بوجود عضوات بمستوى عالي من الثقافه والخبره وانا بنتظار حلولهم