استشاره مهمه 💌

السلام عليكم ورحمة الله وبركاته
اخواتي لاني دايم اتابع معكم قررت اخذ استشارتي منكم لعلي ألقى حل يفيدني او دعوه حلوه


اول شي انا بنت جامعيه وضعي الاسري تمام الحمدلله مافيه مشاكل ولا نزاعات ياربي لك الحمد و مرتاحه جداً بحياتي في بيت الوالد
و من فتره طويييله كنت احب شخص من الجماعه وهو يبادلني نفس الشعور لكن اخف مني بكثير يعني مو متعلق فيني و استمر حبنا سنوات و علاقتنا مره تكون حلوه و عشر مرات تكون سيئه و متفقين على الزواج و كنت دايم ادعي ربي بالخيره بالموضوع شاء الله اننا ننهي هذي العلاقه لانها فاشله و انا اخترت الابتعاد و الحمدلله طلبت من الله العوض و ظهر بحياتي شخص تقدم لخطبتي وهو بعيد عن جماعتي ما اعرفه اخلاقه تمام و اموره تمام و ماديته تمام و مناسب لي من كل النواحي حتى افضل من قريبي بكثيييييير و استخترت و عادي ما حسيت بضيق ولا شي لكن مشكلي الحين هي القبول النفسي هو شاريني و طلباتي اوامر و اللي ابيه يتنفذ بدون جدال الحمدلله لكن ما تقبلته لا شكلاً ولا قلباً و اخاف اظلمه معي لاني ما حبيته و صارلي معه سنه تقريباً بس ما حبيته ما اكرهه لكن مو متقبلته و صايره اركز على تصرفاته و كلامه و انتقده غصب عني وهو جداً طيب و محترم معي ولا يرضى يزعلني حتى لو انا زعلته يجي هو يعتذر و خايفه اكون مو مبسوطه بعد الزواج ودي اكنسل كل شي و اكمل في بيت اهلي بدون زواج و اخاف اكون فوتت على فرصه حلوه للزواج محتاره جدا 💔 علماً بأن عمري ٢٩ يعني مو صغيره ياليت القى جواب يريحني


وشكراً لكم مقدماً