خواتي
اليوم اتصلت علي وحده تسألني عن واحد خاطب بنتها
وانا قلت لها بعض الامور اللي اعرفها...مو كل اللي اعرفه
ويشهد علي ربي... لو بنتي والا اختي..لايمكن اوافق عليه
الشاب (من عايلتنا) وقريب جدا لنا...حسب معلوماتي..اللي سمعتها انه مايصلي
وراعي خرابيط بنات..واحيانا يغيب عن بيت اهله كم يوم ..وسمعت انه عنده شقه برا
سمعت هالشي من اخوي
وهي لما سألتني عن اخلاقه...قلت لها الاخت ماتعرف اخلاقيات اخوها وهم في بيت واحد
وسألتني عن صلاته....قلت لها ماعندي خبر:( (يارب سامحني)..بس انتم اسئلوا عنه بالمسجد اللي جنب بيتهم
سألتني عن وضعهم الداخلي
قلت لها انه امه مسيطرة ومتسلطة..وتتدخل بحياة عيالها...وانه علاقتها مع زوجات عيالها محكومة بعدة امور
و........
وتتدخل بحياة عيالها...حتى واحد من عيالها صارت له مشاكل مع زوجته ووصلت المحاكم
والسبب تبي بيت بروحها...والام تسلطت ما يطلع لو شنو...وطلق زوجته ام ولده
وبنتها بعد انفصلت...بسبب تدخلات الاهل
بس حسيت بندم بعد ماصكيت التلفون
بتقولون ليش..؟؟ اقولكم >>>>>>>احس انها غيبة
اشرايكم يا بنات..؟؟؟؟
تعقيبا على ردود بعض البنات ...
اللي يقولون ليش تكلمتي عن الام وما تكلمتي عن الولد
الام انا اعرفها معرفة شخصية وخالطتها...وقعدت معاها
وسمعت معاناة زوجات عيالها لي...
والاهل والاقارب والجيران كلهم يعرفونها ويعرفون مشاكلها مع زوجات عيالها
حتى انه الجميع يتحاشاها..ويتحاشى النسب معاها
للعلم هي عندها بنات خوات...وبنات اخوان....حسب كلامها...وقالته جدامي..مابي اخسرهم
حاليا الام تدور بنات من الناس الغرب...اللي ماتعرفهم ولا يعرفونها
اما.... اخلاقيات الولد وصلاته...ماتكلمت عنها...لاني ماشفت بعيني
سمعت من اخوي..فقط...وهذا ماهو دليل كافي عشان
ما ادري لو كان بينه وبين اخوي خلاف او شيء من هالقبيل...
وقلت للمرة الوحدة تسكن مع اخوها في بيت واحد وماتعرف خوافي اخلاقياته...
اما موضوع الصلاة قلت لها خلي زوجج يتأكد من هالشي من المسجد اللي جنب بيتهم...لاني اخاف اظلم الولد
ويكون يصلي...وانا ما اشوف هالشي
و....غيابه عن بيت اهله وعلاقاته مع البنات وهالخرابيط...كلها سمعتها من اخوي....يعني ماشفتها بعيني
وانا ما احط شي بذمتي...ولايمكن اخلي كلام اخوي مصدر للحكم على الولد
انا قلت اللي انا اعرفه ومتأكدة منه...وراح اواجه ربي بيوم الدين على كل كلمة نطقها لساني
وواثقة انها لو سألت غيري بيقول لها نفس الكلام
( عريب ) @aaryb_1
محررة فضية
يلزم عليك تسجيل الدخول أولًا لكتابة تعليق.
( عريب )
•
لا يمكنك مشاهدة هذا التعليق لانتهاكه شروط الاستخدام.
حبيبتي انا ماقلت عنها غبية
انا اقول انا احس اني اغتبت الناس بظهرهم...يعني تكلمت عنهم بكلام مايرضونه
هذا قصدي
انا اقول انا احس اني اغتبت الناس بظهرهم...يعني تكلمت عنهم بكلام مايرضونه
هذا قصدي
مراوي82
•
لا يمكنك مشاهدة هذا التعليق لانتهاكه شروط الاستخدام.
حبيبتي هي قالت غيييييبه يعني اغتابت المره مو غبيه
مادري حبيبتي انا مافضل اني اتدخل في الخطبه لان صار ماصار بيقولون فلانه قالت ويمكن يتانسبون ويقولون الكلام الي قلتيه :44:
واذا سكتي وماقلتي بيقولون تعرف وساكته استغفر الله
بس الحين الي صار صار وعن الغيبه والله ماعرف تعبت وانا افكر ساعات اقول غيبه وساعات اقول لا
كأني ماقلت شي مفيد :09:
مادري حبيبتي انا مافضل اني اتدخل في الخطبه لان صار ماصار بيقولون فلانه قالت ويمكن يتانسبون ويقولون الكلام الي قلتيه :44:
واذا سكتي وماقلتي بيقولون تعرف وساكته استغفر الله
بس الحين الي صار صار وعن الغيبه والله ماعرف تعبت وانا افكر ساعات اقول غيبه وساعات اقول لا
كأني ماقلت شي مفيد :09:
Dory
•
لا ياعزيزتي
هذي ماهي غيبة هذا زواج وأنتي قلتي الصدق
الغلط لو تسكتين وبكرى تتطلق وأنتي عارفة وساكته
هذي ماهي غيبة هذا زواج وأنتي قلتي الصدق
الغلط لو تسكتين وبكرى تتطلق وأنتي عارفة وساكته
الصفحة الأخيرة
انا اتمنى كمان انك ترجعي تتصلي فيها وتقوليلها انك عرفتي من اخوكي انو ما يصلي
والله لا يسامح كل وحدة وواحد يعرفون ان هذا الشخص سيء ومع ذلك ما يقولون ويورطون بنت النااس معااه
انتي سويتي خييير في الضعيفه واهلها والله يرزقها بالزووج الصالح