استشار عاجله اللي تخاف لا تدخل

بسم الله الرحمن الرحيم

السلام عليكم ورحمة الله وبركاته

اخواتي العزيزات بنات عالم حواء

مشكلتي اليوم مختلفه عن اغلب المشاكل بس اني جدا محتاره وخايفه ومرعوبه واتمنى يكون عند البنات

شيء يريحني ويهديني ان شاء الله

بقولكم سالفتي بالبدايه اول ماتزوجت كنت ساكنه مع اهل زوجي مده طويله تقريبا 10 او 9 سنوات

بس صارت مشكله بيني وبين زوجي واهله تدخلو فيها فاضطريت اترك البيت ورحت بيت اهلي

وزوجي بعدي بفتره اسبوع طلع من بيتهم لانه تهاوش مع اخواته وترك البيت وبعدها رجعنا لبعض

بس سكنا بمنطقه ثانيه بعيده بس هو بيت اهله بس بيت شعبي وماحد يسكنه يجونه بالاجازات بس

صار لنا فيه سنتين او اكثر بشوي المهم الان تحسنت امورنا معهم شوي وصرنا نروح لهم ويجونا

بس اني انا اتحسس منهم كثير ماعدت اثق فيهم

المهم الان عندي قبل 3 شهور تقريبا ولدي كان رايح ينام بغرفتي لان بيجون ضيوف وبيجلسون

عندنا كم يوم ففضيت غرفت عيالي لهم ونومت عيالي معاي بالغرفه الين يروح الضيوف

فولدي يوم دخل غرفتي بينام جاني مرعوب جدا ويقول لي فيه حاجه سوداء ولها اجنحه وبعين

وحده تطير عند الدولابرحت معاه اشوف ماشفت شيء واخته معاي ماشافت وكان ياشر لنا شوفوه

ماشفنا شيء بس هو يشوفه شغلت قران بالغرفه وجو ضيوفنا وراحو وانا كنت خايفه من الغرفه

واول ماراحو الضيوف صرنا ننام كلنا بغرفتهم ونفس الشيء كان يشوف فيها فرحنا ننام بالمجلس

ومافيه فايده نفس الحكايه بس هالمره كان يقول اخضر وفيه عين وحده شافه مره بس وبعدين خلاص

وصرنا يوميا ننام بالمجلس مايرضى بغيره وانا صرت لرحت باخذ شيء من غرفتي احس بخوف

وشعر جسمي يكش حتى لو كنت قاريه الاذكار واية الكرسي ادخل بسرعه اخذ اللي ابي واطلع

بس احس بشيء بالغرفه وعيالي يقولون يماما نحس فيه شيء يراقبنا ويخافون حيل من غرفتي

فصرنا ماندخلها الا اذا بناخذ ملابس او اغراض ونطلع على طول

المهم بالسالفه الان ان قبل اسبوعين بالضبط كانو عيالي عند اهل زوجي بالاجازه وزوجي بدوامه

مافيه الا انا بالبيت وولدي الصغير ونايمين بالمجلس كالعاده الا حلمت حلمين ورى بعض

خفت منهم الصراحه اول حلم حلمت فيه ان بمجلس بيتي كان فيه حريم كثير ولا بسين عباياتهم
معبين مجلسي من اوله لاخره وبزاويه المجلس جدتي الله يرحمها منسدحه والحريم واخواتي يسلمون
عليها وانا جيت وانسدحت عليهم وكنت حذره مابي اضغط على بطنها واحبها وامسح على شعرها واوقول لها اشتقت لك ياجدتي اشتقت لك ورفعت راسي وشفت بنت خالتي متوفيه اسمها نوره واقفه بنص المجلس وقدامها دلال قهوه وبعديت صحيت مرعوبه لان كل الحريم بالحلم ميتين

قريت ايه الكرسي والمعوذات وكملت نومي الا حلمت حلم ثاني ان انا وزوجي جالسين بالمجلس الا

اسمع صوت صراخ عيالي وكان يلعبون بالصاله شوي الا شفت بنت كان احد حاذفها عند باب المجلس
وقفل الباب اللي يفصل المجلس عن البيت قفلتين وقمت اركض ابي اشوف ايش صاير وفتحت الباب

انفتح معاي ورحت اشوف اولادي الباقين الا ولدي الكبير معلق برقبته على الزحليقه حقتهم (زحليقه اطفال الصغير موجوده بالصاله ) وماكان يتحرك وولدي الصغير مايتكلم لانه تعبان بس بالحلم كان
يتكلم ويسال اخوانه يقولهم ايش فيكم خوفتوني ويكررها

ووقتها صحيت من النوم وانا مرعوبه تعوذت من ابليس وكملت نوم الا كان فيه صوت يصحيني
يقول لي اذا ماطلعتو من البيت بناذيكم طنشت قلت الظاهر اني حلمانه وغفيت الا يرجع نفس الصوت
بس هالمره ناداني باسمي وقال يافلانه اذا ماطلعتو من البيت بناذيكم

كلمت زوجي وخبرته بالسالفه وقال الظاهر البيت مسكون وهم مايبغونا فيه وان شاء الله بنطلع من

البيت بنفس اليوم ولدي الصغير تنوم بالمستشفى لانه تعبان وظلينا فيها اسبوع وطلع السبت اول يوم مدرسه المهم يوم رجعت للبيت صرنا كلنا اللي بالبيت نشوف اشياء تطلع لنا اشخاص تطلع وتختفي
وولدي الصغير احس فيه احد يلعب معه يعطيه الكور ويشغل له الالعاب اشوف عيالي بعيد
وعيالي جنبي اساسا واخر شيء امس منشره ملابسنا على الحبل الا سروال زوجي عليه دم من اوله لاخره بس لونه ازرق خفت حيل بس حاليا مو قادرين نطلع ظروفنا شوي صعبه قلنا بناخذ قرض وناجر لنا شقه بس طلع على زوجي اسمه بسمه فاتوره جوال قديمه ب10 الاف يعني مانقدر نطلع قرض الين نسددها ولا حصلنا احد يسلفنا المبلغ المهم يعني مافيه طلعه قريب الين يفرجها رب العالمين
الغرض من سالفتي اني افضفض لاني ماعندي احد افضفض له غيركم ويابنات هل تتوقعون انه
فعلا البيت مسكون ومايبونا والا انا يتهي لي والله قمت اشك بنفسي احيانا اقول يمكن انا مريضه
نفسيا ويتهيا لي هالشيء اسال زوجي امس انت تشوف اشياء زيي والا بس انا بس ارجع اقول حتى اولادي يشوفون وملابسه اللي عليها دم ازرق هذي ايش معناها انا اقول لزوجي يمكن طولنا عليهم ماطلعنا فيمكن هذا تهديد ثاني منهم قال لي انتي تتوهمين واحنا مو قادرين نطلع ايش نسوي
والمشكله انا مشغلين سورة البقره على طول بالمكان اللي نجلس فيه بس نفس الشيء نشوف اشياء
والله محتاره مادري ايش الحل ومادري ليه يصير كذا صار لنا سنتين ماكان في البيت شيء