بسم الله الرحمن الرحيم
السلام عليكم جميعا
والله شرف كبير اني نظم لهالمنتدى العظيم
المهم اخواتي ارجوا انكم توقفون جنبي شوي وماتبخلون علي بالاستشارات اللي اتمنى انها تكون حكيمه وتفيدني ...
مشكلتي طووووووووووويله لكن لازم اذكرها كامله معليش سامحوني
راح ابدأ بمشكلتي ...
مشكلتي سلمكم الله مع خطيبي طبعا انا مملكه صار لي 4 شهور وزواجي بعد شهر
الحمدلله علاقتنا ممتازة احترام وتفاهم من الطرفين .... ع تواصل يومي ايام ما كان خطيبي في السعودية ولما سافر للخارج للدراسه صار التواصل تقريبا كل اسبوع عن طريق المسن عشان تكاليف المكالمات غاليه شوي لكن بيننا مسجات ومكالمات هاتفيه تقريبا كل اسبوع
المهم موضوعنا ... قبل لا يسافر خطيبي طلب ايميلي عشان نكون ع تواصل في الغربه لان المكالمات تكلف .. قلت اوكي ضفته .. وكماهي العادة فتحت بروفايله لقيته سليم كله شباب ماعدا بنت وحده وشكلها من زمان مادخلت ....
انحرررق قلبي لكن ماواجهته لانها من زمان مادخلت وشكله ايميله قديم يعني نقدر نقول علاقه قديمه مايحتاج ننبش في موضوعها ...
طيب بعد فترة قدرت اني اكشف حسابه ع الفيس طبعا كان مغلق وكان الاسم تبع البروفايل فلان ال؟؟؟؟ طبعا اللقب الحقيقي وحاط صورته ...
كان نفسي اضيفه واختبره بس قلت بلاش مالي داعي ...
المهم بعد فتره سألني قالي انتي طلبتي اضافتي ع الفيس ؟؟ انا قلت لا ليش تسألني
قال لانها جتني اضافه بنفس اسمك مثلا اسمي ريم جاته باسم ريم
قلته لا واصلا انا مدري ان عندك حساب ع الفيس >>> وانا داريه اصلا
قال خلاص ماعليك اصلا ماضفتها بس شكيت انها انتي ...قلت ايه لاتضيفها .. قال طيب
بعدين قلت له دام عندك حساب ع الفيس ليش ماتضيفني قال طيب وضافني عنده ولقيت عنده 3 بنات اجانب سألته عنهم قال هذول معي في القروب ايام المعهد وضروري اضيفهم وفعلا لقيت كل اخوياه ضايفين هالبنات بحكم انهم بقروب واحد واصلا هذول البنات عندهم صداقات من كل بلدان العالم يمكن فوق ال200 شخص فماهموني لان شكلهم راعين طويله اصلا حذفهم ع طول
وبعدين جلست انبش في بروفايله لقيت في وحده مسويه له لايك على اساس انه خطيبي طلب صداقه شخص وهذي البنت سوت لايك ع هذي الصداقه طبعا البنت هذي هي نفسها البنت اللي لقيتها بايميله ومن زمان مادخلت
رحت انا وسويت لها اضافه بحساب ثاني ولقيتها ضايفه كثير شباب وبنات وكلامهم دردشه عاديه للامانه عشان ما اقذفها يعني يادوب نكته قصيده استهبال وزي كذا
قلت خليني اشوف الشباب اللي عندها المهم طاحت عيني ع شخص اسمه مستعار ويوم شيكت ع بروفايله لقيته كاتب انه من امريكا وجامعه كذا كذا اللي هي الجامعه اللي يدرس فيها خطيبي وضايف تقريبا 11 بنت ومن ضمنهم بنت اسمها ريم ...
انا قلت الشاب هذا من امريكا ومن نفس جامعه خطيبي وضايف البنت اللي كانت موجودة بالايميل ووبنت اسمها ريم ( اللي يمكن شاك انها انا ) طبعا مو ذاكر اي شي غير هالاشياء يعني كل شي كان وهمي ولا حاط اي صورة ولاشي مجرد يرد ع البنات رد نوعا ما عادي يعني تريقه او حشه لا اكثر ...
انا وش سويت سجلت بحساب ولد وارسلت له مسج وقلت ماتخاف الله ومن هالكلام رد علي وقال جزاك الله خير لكن انا والله مايربطني فيهم اي شي حرام بس كذا دردشه
وارسلت له اضافه من حساب ثاني باسم بنت قبلها .. وطلبته الرقم .. قال ليش تعرفيني المهم انه ماعطاني الرقم .. وبعد فتره حذفني لاني قليت ادبي عليه وما ارتاح شك اني ولد
طبعا انا قلت له بالحساب المستعار اللي باسم ولد انا عرفتك وراح افضحك وتشوف ...
المهم قعدت ساعتين وبعدها ارسلت له ع جواله مسج اني ابيه يكلمني ضروري
ع طول رد بمسج وقال عسى ماشر قلت اتصل بعد ساعتين قال لا بدق الحين قلت طيب
وكلمني وانا سويت نفسي انو كانوا جاني مسج ع بروفايلي في الفيس انك تخونني وهذا الشخص عنده اثبات قام يحلفلي باديان انه مايعرف بنات ع الفيس وانتي شفتي بروفايلي مافيه شي قلت لا يقول انك طلعت حساب ثاني وقاعد يحلف انه ماعنده الاحساب واحد
انا داريه انه كذاب لانه واااااااااااااضح انه هو صاحب الحساب المستعار كل شي يثبت انه هو
طبعا انا سويت نفسي مصدومه وابكي وهو يهديني ويقول تعوذي من ابليس واستغفري وحنا اكبر من هالاشياء وان هذا الشخص يبي يخرب بيننا ومن هالكلام ...
انا سويت نفسي اقتنعت ومشيتها له ... وراح واتصل علي بعد كم ساعه ويهديني ويوعدني بهديه تعويض عن دموعي الغاليه ع حسب كلامه
المهم ... الى الان وبروفايل الاسم المستعار اللي شاكه انه له مازل يحذف ويضيف بنات الي يومكم هذا ....
ساعدوني وش اسوي قلبي محروووووق ... وشهيتي انسدت ... وبديت اكرهه...
وهل ممكن يتعدل بعد الزواج ؟؟؟
قاهررررررررني يحلف وهوكذاب المشكله ماتوقعته يسوي كذا مرره تمام معاي ماتجي عليه هالحركات ...
ساعدوني ... وسامحوني ع الاطاله
تماني تماني @tmany_tmany
عضوة جديدة
يلزم عليك تسجيل الدخول أولًا لكتابة تعليق.
مدري بس احس انك للحين شاكه مو متاكده انه هو يمكن واحد من ربعه ولاشي والبنت يمكن يعرفونها من الجامعه وعشان كذا مضيوفه عند الكل نصيحه طنشي الموضوع ولاتنبشين كثير تتعبين وخلي ثقتك كبيره واذا كان عنده سوالف وخرابيط صدقيني بتكشفينه مع الوقت لان حبل الكذب صغير حبيبتي توك بدايه حياتك لاتدخلين الشك تره يخرب حياتك كلها تعوذي من ابليس واتركي عنك النت وابتدي جهزي لزواجك واذا جاء ببالك هالاشياء تعوذي من الشيطان واذكري الله الله يتمم لك على خير ويرزقك الذريه الصالحه ويسخرلك زوجك ويبعده عنها بنات الحراممدري بس احس انك للحين شاكه مو متاكده انه هو يمكن واحد من ربعه ولاشي والبنت يمكن يعرفونها من...
يقول الله سبحانه**ولاتجسسوا ولا يغتب بعضكم بعضا**
فلا تسالي عزيزتي عن اشياء ان تبدولكي تسؤكي
انت بديتي حياتك بشك الله يهديك
يعني رحتي تبحثي الى ماجبتي لنفسك القلق والشك والتعب
انت اهتمي بنفسك وتعاملك معاه والله الله بالدعاء
ثم انت غير متاكده انه هو يمكن احد من اصحابه ويمكن البنت مجرد اضافة يعني مافي سوالف
وعلاقه مشبوهه لا سمح الله
شيلي الموضوع من راسك وافرحي بزواجك وخلي هالموضوع دافع لك عشان ماتقصري معه
ولا يشوف غيرك
موفقه حبيبتي والله يتمم لك على خير
لا تنسيني من دعائك
فلا تسالي عزيزتي عن اشياء ان تبدولكي تسؤكي
انت بديتي حياتك بشك الله يهديك
يعني رحتي تبحثي الى ماجبتي لنفسك القلق والشك والتعب
انت اهتمي بنفسك وتعاملك معاه والله الله بالدعاء
ثم انت غير متاكده انه هو يمكن احد من اصحابه ويمكن البنت مجرد اضافة يعني مافي سوالف
وعلاقه مشبوهه لا سمح الله
شيلي الموضوع من راسك وافرحي بزواجك وخلي هالموضوع دافع لك عشان ماتقصري معه
ولا يشوف غيرك
موفقه حبيبتي والله يتمم لك على خير
لا تنسيني من دعائك
انتي قلتي انو ماشفتي بينه وبين اي بنت علاقه قويه
غير انها تريقه واستهبال لنفرض انه هو خطيبك
ماشفتي اي كلام حب ومن ذا صح طيب ليه تحرقين نفسك الحين
كل الشباب يضيفون بنات فيه اللي ستهبل وفيه اللي يلعب وفيه اللي يحب
واغلبهم متزوجين ويمكن يقضي وقت فراغ بس بأذن الله يتعدل بعد الزواج ونصيحتي لك
لاتفتحين معه هالموضوع بالعكس اتكلمي معه بسوالف هو يحبها والله يوفق مابينكم ويرزقني وبنات المسلمين باالازواج الصالحين
غير انها تريقه واستهبال لنفرض انه هو خطيبك
ماشفتي اي كلام حب ومن ذا صح طيب ليه تحرقين نفسك الحين
كل الشباب يضيفون بنات فيه اللي ستهبل وفيه اللي يلعب وفيه اللي يحب
واغلبهم متزوجين ويمكن يقضي وقت فراغ بس بأذن الله يتعدل بعد الزواج ونصيحتي لك
لاتفتحين معه هالموضوع بالعكس اتكلمي معه بسوالف هو يحبها والله يوفق مابينكم ويرزقني وبنات المسلمين باالازواج الصالحين
الله يهديك ياحبيبتي انتي غلطانه ولازم يكون صدرك اوسع من كذا ..انتي عارفه اننا في زمن بنات الحرام خربوا البيوت وضيعوا الشباب وصاروا هم اللي يلاحقون الشباب بدال مايكون العكس...فلا تدفعينه للغلط بعدين تحاسبينه ياليتك من الاساس مالفيتي اللفة الطويله حوله واستعنتي بالدعاء وحسن الظن احسن لك
الصفحة الأخيرة
يمكن واحد من ربعه ولاشي والبنت يمكن يعرفونها من الجامعه وعشان كذا مضيوفه عند الكل
نصيحه طنشي الموضوع ولاتنبشين كثير تتعبين وخلي ثقتك كبيره واذا كان عنده سوالف وخرابيط
صدقيني بتكشفينه مع الوقت لان حبل الكذب صغير
حبيبتي توك بدايه حياتك لاتدخلين الشك تره يخرب حياتك كلها تعوذي من ابليس واتركي عنك النت وابتدي جهزي لزواجك
واذا جاء ببالك هالاشياء تعوذي من الشيطان واذكري الله
الله يتمم لك على خير ويرزقك الذريه الصالحه ويسخرلك زوجك ويبعده عنها بنات الحرام