استشـــــاره وفضفضه لاخواتي ضايقة فيني وربي ..

السلام عليكم وحمة الله وبركاته ..

انا ضايقه فيني الوسيعه .. وحبيت افضفض لكم .

انا بنت عمري 27 سنه .. انخطب كثيييييير بس سبحان الله مايصير نصيب
يا من جهتنا او من جهت العريس ..

وزي ما انتو عارفين الحين صيف وموسم مناسبات وزواجات ..

كرهت الزواجات مابي اروح والله العظيم اني استحي على نفسي .. الحمدلله انا عارفه انه كل شي نصيب

بس تخيلو الزواج مافي بنات كبري او اصغر مني بكم سنه ..

كلهم صغاااار ثانوي ومتوسط .. والباقي متزوجات يعني حريم كبار وعجايز

ويجون يسلمون علينا ويقولون بنتك باقي ما انخطبت ؟
طيب ليش ما وافقتو على الفلاني ؟ ياااااا شييييييخه نصيبها بيجيها

وع هالموال .. صرت اقول لامي ما ابغى اروح معاك للزواجات خلينا نجلس بالبيت
وهي الاااا تبغى تروح .. اقولها روحي وانا بجلس بالبيت ما ترضى

وربي احزن على نفسي وعليها ... ماعندي احد اشكي له همي الا انتو .. :angry:

وربي ان فيني قلق من الصبح عشان بكرى عندنا زواج وامي تبغانا نروح .. :44:

كلهم يطالعو لي يعني تجي الزواجات عشان الناس يشوفوها وتتزوج ... :angry:

اتعقدت اتعقدت .. واللي زاد الطين بله .. واحد كان خاطبني وامي رفضتهم اتصل يعزمنا ع زواجه

حسيت اني عــلـــــــــــــــــــــــــــــــة على قلبي وقلب اهلي ..

وش اسوي ؟ اضغط على نفسي واروح للزواجات مع امي
ولا اجبر امي تقعد معاي بالبيت ونترك الزواجات لانها مستحيل تتركني بالبيت وتروح لزواجات لحالها

اللهم يا مسهل الشديد .. وياملين الحديد .. ويا منجز الوعيد .. ويامن هو كل يوم في امر جديد .. اخرجني من حلق الضيق الا اوسع الطريق .. بك ادفع مالا اطيق .. ولا حول ولا قوة الا بالله العلي العظيم