استشيركم بموضوع الطبيب النفسي

السلام عليكم
يابنات قلت قبل فترة بموضوع عن ابن زوجي وحالته الغير طبيعية يوم يصحى من النوم حقه وانه يتكلم ب اشياء مالها دخل
طبعا الولد بالبداية تفكيره صار محصور بحاجة وحدة فقط ليل نهار يفكر فيها
هي الامن والحرس الملكي والعسكرية بشكل عام
جواله الايباد كلهم متروسين صور فيديوهات وبحث عن هالاشياء
تقريبا الولد صار عنده المام بكل شي يخص هذا الموضوع الرتب والدورات تقولون مستشار عسكري
هو يجي من مدرسته يقعد طول وقته على هالحالة الين المغرب وبعدها ينام ويصحى ثاني قريب ١١ الليل وتبدأ معاه هذي الحالة
هذا الشي اثر عليه بنومه صار اول مايصحى من نومه يقعد يهذي ويتكلم بهذي الاشياء ويكلمني بلهجة انه ضابط وحتى تعامله صار كأنه ضابط فعلا
الحين زاااد الموضوع عن حده كثير صار الولد يهذي هذيان بهذا الموضوع حتى ابوه حس عليه ذيك المرة يجيني يقولي ابني مدري وش فيه قاعد يهدد اخوه الصغير بالسجن والقصاص ومرة يصحى يقول لازم اروح المطار الدولة مكلفيني اني اكون اول واحد يستقبل الملك بعد مايرجع وفعلا طلع برا البيت وبعدها قعد بالحوش ورجع مصحصح وراحت عنه هذي الحالة
وبمرة ثانية روى ل ابوه انه انقذ الامير من محاولة اغتيال مدبرة وابوه مستغرب ولا شاف انه مو مصدقينه يقولنا افتحو اليوتيوب وشوفوني كيف قتلت ٤ كانو بيسوون محاولة اغتيال
يسرح بخياله واوهامه كثير حتى صرت احس بحياته الطبيعية صار كذا
يوم يهاوش ابن عمه يقوله انت شكلك ماتدري مين تكلم
ويقوله لا صرت ورا الشمس تعرفني
ذيك المرة اول ماصحى بدت الحالة دون سابق انذار وبدأ يسرد لي وعرفني انه هو رتبته مقدم ب امن الدولة
طبعا يكون غرييب الاطوار وانا احاول اقوله صحصح وهو مايرد
يقولي كل العساكر والضباط يخافون مني ويحترموني وما احد يقدر يضحك علي يقولون لي انت عقدتنا هنا
بعدها يقولي اكون بمهمة خارجية وهم يفرحون وياخذون راحتهم مايلاقوني الا جنبهم وينخرعون يقولون لي كيف رجعت انت بمهمة كيف لا تسأليني
اكون برا المملكة وهم مبسوطين عشان انا برا فجأة يلاقوني صرت قدامهم
اخر مرة كان يوم الخميس وكان البيت متشقلب ضحك ووناسة وجات اخته تصحيه ويوم صحى على طول يصرخ يقول وين جوالي ضرووري لازم اليوم يتأدب هذا الكلب والله ل اخلع رتبته واربي فيه الكل واخته مستغربة
ولا صحصح نكر الكلام كله من اصله ونكر انه بهذي الحالة
الان ابغى اوديه لدكتور نفسي يشرح له وضعه
وضع الولد ابدا صار غير طبيعي حتى السوني ماقام يفتحه ابدا مافي الا هذي الاشياء عنده
اخاف تتطور حالته للاسوء فعلا
وش رأيكم بموضوع الطبيب النفسي هل بيساعده انه يتخطى هذي المرحلة ويرجع لحياته الطبيعية