صدقتي والله بعض الناس مادري وش يحس

اكرهه الحرمه اللي تجلس عند الناس حتى لو بيت اختها اكثر من 6 ساعات عيب وشق جيب

زي وحده اذكر من خالاتي تجي الساعه 5 وتتطلع الساعه 12 بالليل ..!!

واذكر مانمت الظهر الا الساعه 3وصحيت خمس ولاكنت نايمه بالليل صح وجلست اجامل بالجلسه لين الساعه 12.!!

صراحه عيب حتى لو بااجازه ياناس ارتقوا لاتجلسون بكبود الناس خصوصا لازرتوا متزوجه بتتروش عقب الطبخ

والتعب وتستقبل زوجها مو يدخل بيت ..!! وهي قلقانه من ضيوف حتى لوجاملوكم وقالوا اجلسوا اذكر خالتي تقول اتصلي على

اخوك لبنتها تقول لااصبري يمه البنت ماوراها دراسه صراحه تعبت من الارهاق وعيوني حمـــــــــر

ـــاتوقع ذي اصعب نقطه من عرفت روحي بالبيت اهلي وببيتي اعاني منهـآــ

اما الباقي مايهمني

احمدو ربكم انه في احد يزوركم ويحوس بيتكم

انا بيتي فخم وحلوووو وكبير واحب التقديم والاواني والكاسات الحلوووه ..بس محد يزورني لا جمعاات لا صديقات لا جارات ....اهللي في بلد وانا في بلد ... اناوبناتي بلحالنا ...كل سنه اغير الكنب والسجاد ومحد شافهااا


اتمنى العزايم والحفلات والزيارات لو فيها حوسه وتعب


الحمد لله كل حاااااال


استغفر الله

اختي غرام الطائف 2
ما شاء الله ربي يباركلك فيما رزقك
عندي نصيحة يا اختي اتمنى تتقبليها بصدر رحب
يا اختي حرااام كل سنة تغيري السجاد والكنب من غير سبب حتى لو شافوها الناس يعني اذا كانت صالحة للاستخدام وما فيها شي والله حرام التبذير يا اختي الناس بتموت من الجوع في الصومال لو ما شاء الله ربي انعم عليك لو تتبرعي بدل تغيير العفش كل سنة حتى لا تكوني من المبذرين الذين وصفهم الله تعالى بانهم اخوان الشياطين

موضوع حلو وهاااااااااااااااادف يستفيدو منه الامهات اللي غافلين عنهم هالنقطه كل وحده تنتبه لعيالها بارك الله فيكم

حياك الله إختي وأشكرك على فتح مثل هالمواضيع المهمه لعلى وعسى ينتبهون الحريم لأغلاطهم ويصححونها

حتى ننعم بحياه إجتماعيه هادئه ومترابطه ..

في البدايه بتكلم عن نفسي أنا إذا بروح لزياره لأحد أحب أعرف من المضيفه موعد الزياره متى حتى ما أحرجها وإذا رحت
ما أحب أروح ويدي فاضيه .. وبرضو ما أحب أروح ومعي أطفالي وفي حال إن المضيفه أصرت أجيبهم أوكي أخذهم وقبل أروح لها أكلهم وأشبعهم وهذي نقطه تراها مهمه حتى مايحرجونك عيالك قدام الناس .. ولما أروح تكون عيني عليهم ولو خربو ولا أزعجو لازم أتحرك وأسيطر على الموضوع من باب الذوق والإحترام ..

مره من المرات نزلت فبيت جديد وحبيت أتعرف ع الجيران قمت عزمتهم عندي جوني ثنتين من جاراتي ومعاهم بناتهم أعمارهم ٤ سنين فرحت فيهم وأكرمتهم وحده من البنات رايحه وجايه علينا وتسحب بكرسي صغير وسبب إزعاج للي جالسين وللأسف الوضع
واضح مايحتاج تنبيه والأم الله يهديها ماجابت خبر أبد ولا كأن بنتها تسوي شئ قمت أنا إحتويت الموقف
وأخذت البنت والكرسي وحطيتهم بغرفه للأطفال وطلبت منها تلعب بالغرفه وماتطلع الكرسي برى وعدا الموضوع بسلام..

أما البنت الثانيه أمها متحمسه بالسوالف ويوم جبت العصير ووزعته تجي البنت وتدخل إصبعها ببعض الكاسات وتلمس العصير!!! وأمها ولا كأنها موجوده وحتى الحلى تلمسه بيدينها وإنحرجت قدام الضيوف ولا أقدر أوجهها لأنهم أول مره يزوروني.. ما إنتهينا هذا كله يهون راحت البنت وفتحت شنطة أمها وطلعت الروج تلعب فيه وترسم ع الكنب !!! وأمها لاهيه بالسوالف وأنا تضايقت بصراحه بس ماسكت قلت لها حبيبتي لا تكتبن ع الكنب تعالي أعطيك ألوان وأوراق وهنا إنتبهت الأم
وأخذت الروج ودخلته شنطتها ولا إعتذار ولا شئ !!!
مايصير يا أخوات لازم الوحده تنتبه لعيالها حتى مايتضايقون منها الناس ويتحاشون دعوتها لأي مناسبه إلي ماترضينه فبيتك لاترضينه فبيوت الناس .. والله يهدي الجميع