استطلاع للراى

نحن عندنا عادي جدا
اصلا لازم تكلمه علشان تعرف شخصيته و طريقه تفكيره و نظرته للدين و للحياة
يعني اكون والدي او اخوي يروحون يسالون عن الشاب و يقولون ما شاء الله ذو دين
طيب على اي ساسا ذو دين؟ بالنسبه لمن؟
ممكن لك هو ذو دين بس لي دينه صفر
او ممكن يكون يدقق على الاشياء الصغيره بالدين و يترك الكبيره

و بعدين لا تنسين ان انت و هو بتربون عيالكم فلازم تكوني متاكده ان نظرتكم واحده
فما يصير يكون هو من النوع الي يؤمن ان الضرب و سيله جيده و انت ضدها

:27:

صح راجع للعادات والتقاليد لكن انا كان ودى اعرف ان في بعض البنات ماتبي تكلم زوجها وهم متملكين ماادرى لية وساعات الزوج لما يكلم زوجتة بعد الملكة يدقق ويدور الزلات عليها او اذا طلبت تشوفة او تكلمة او حتى كلمتة وهو الى طالب يكلمها مدرى يقول عنها جريئة واذا ماكلمتة يقول هاذى ماتبينى ياريت كل وحدة تقول اهى كلمة زوجها وهم مملكين ولا لا ولية؟

بالنسبه لي كنت إختياره و صمم عليه و ما طلب يشوفني عشانه فاكرني وانا صغيره <<< هذا كلامه
لكن ما كنت قادرة أكلمه ولا أشوفه والله أموت من الحياء
مع العلم عندنا عادي بعد الملكه انها تكلمه و تجلس معاه بس و الله انا ما أشوفها حلوه يعني غيييييييييييير يوم
يشوفك ذيك الليله أول مرة والأيام الأولى لها حلاوتها من نكون مع بعض في بيت واحد غير من نكون تعودنا على بعض تليفونات و زيارات و ترى هذا الشيء موجود كثير موبس عندنا بنات القبايل أذكر كانت عندنا أبلة الإنجليزي
عايشه نص عمرها في أمريكا و كانت تكلم البنات تقول لهم مو حلو يشوفكم قبل يوم الزواج طبعا غير النظرة الشرعيه . يعني الموضوع يختلف من ناس لناس .

حبيبتي .....احنا عندنا عادي نتكلم بالتلفون لان الخطبه هيه الي اتقربك لزوج المستقبل وتعرفين طبايعه وعلى فكره ممكن الخطبه مل توضح شخصيتك ولا شخصيتك خطيبك لان كل واحد يحاول يبن الايجابات اكثر من السلبيات ويحاول يكون المثالي في نظر ه ....لكن اجلس مع خطيبي ممنوع عندنا الا اذا كان اهله واهلي ممكن .لوحدنا مستحيل.....بس ضروري الوحده تكلم خطيبها تفاديا للمشاكل المستقبليه....كلامي صح والا غلط.....وجزاكم الله الف خير وعافيه....
لكن في فترة الملكه عادي نطلع مع بعض بروحنا ونجلس بالساعات لوحدنا والله انها ايام وووووايد حلوه.....بس ما انصح ان فترة الملكه اطول برائ انا حدها 4 شهور وثلاث

السلام عليك..

اول شي وقت الخطبه بدون عقد قران حرام تكلمينه لكن بعد القران ترجع لشخصية الشخص نفسه ومااحد يقدر يمنع الزوج او الزوجة لانهم خلاص شرعا ازواج لكن مثل ماقالوا البنات المسألة مسألة عادات وتقاليد ...

عن نفسي المكالمات اوكى لكن طلعات وروحات ابدا..

تحياتي