بنات الة الصبيب وين الاقيها ببريطانيا او بمانشستر تكفون

جزاك الله خير بنت الجزيره..انا عندي مشكلة الشنطه الي اخذها معي بالطياره دائما تكون مليانه .. فيها كل شيء لي ولعيالي وابوهم واذا جيت اطلع شيء تعفست وحووسه .. ما ادري هل اخذ شنطة كبيره الي تجرينها او اخذ شنطه يد كبيره؟ وشنطة اليد الصغيره اخذه معي او ما يحتاج؟وصعبه كل واحد شنطه لان في الاخير انا وابوهم اللي نبي نشيلهن.. واسفه على الاطاله..كلامي معفوس بس ان شاء الله واضح!

اهلا وسهلا حبيباتي واخياتي جعلكم تسلمون جميعا
اختى am &ams فيه محل فى اغلب المولات محل صغير بس ناسيه اسمه تشوفي له دائما يطلعون كراسيهم بره عندهم
واعتقد سيرز وتيجي ماكس او اطلبيه من النت
واذا عندكم محلات حقت اكسسوارات للسيارات فى الغالب عندهم

اختى انا مين
شوفى هو على حسب عددكم بس لو اختى شنطه من الي تسحب اريح لك
وخلي كل شي فيها مومشكله وتصير مع زوجك وانتي خلي معك شنطة يد خلي الجوازات والاوراق المهمه حقت زوجك(حقت السفر) فيها ولا تنزلينها من كتفك ابد
بس فيه فكره كنت اسويها علشان ماتنعفس الشنطه كنت كل واحد من عيالي حتى لو ملابسهم فى نفس الشنطه اعزلها باكياس شفافه
مثلا اخلي اكياس فاضيه لملابسهم الي بيشلحونها فى الطياره وعلى طول من يوم يشلحونها احطهم فى الاكياس علشان ما ينحاسون مع الباقي من الملابس
ثم اكون مجهزه كل واحد بجامته فى كيس مع شراب فى نفس الكيس واعطي كل واحد كيسه
وقبل ماننزل اعطيهم كيس فيه بدله جديده وشراباتها واذا معها قبعتها محطوطه فى نفس الكيس
اعطي كل واحد كيسه وانا البس الي مايعرف منهم بس اكون عارفه ايش اخذ وايش اخلي وبكذا ماتنحاس الشنطه ابدا


وعلى طاري الصغار ارجوكم بنات انتبهو لاولادكم فى المطارات ولا تغفلون عنهم او تخلونهم يبعدون عنكم خلوهم دائما تحت عينكم ولا يروحون للحمام لوحدهم لا تقولون هذا كبير ترى الحرامي اكبر
واذا عندكم صغار حطو على معصمهم شريط فيه اسم الاب ورقم جواله
الله يحفضكم جميعا ويرجعكم لاهلكم سالمين

عجبتني فكرة الاكياس جزاك الله خير ..ولا يحرمنا من نصايحك يالغاليه..

يجزاكي الف خير على مواضيعك المميزة عزيزتي