السلام عليكم ورحمة الله وبركاته
رمضان مبارك ومبروك علينا وعليكم الشهر
اول شي حبيت اقول لكم استعدادي لرمضان نظفت المطبخ من والى الارضيه والحين باديه بالسيراميك اللي ع الجدران وان شاء الله يومين اخلص وفضيت الادراج وخصصت درج لصحون رمضان بس مثلا ع عدد اسرتي 4 صحون شوربه واربع صحون للحلا وهكذا
المهم يابنات بقولكن فكرتي بدال التفرنز والشغل بالليل لانه يتعب صراحه مانخلص من الفطور وتنظيف المطبخ نروح بعد نعجن ونحشي عشان نرفزن لثاني يوم
فكرتي اني ليلة رمضان وانا اركب السحور بانتظار الدجاجه تطبخ
بهالوقت اسوي العصيرت والجلي والمهلبيه واكون محدده طبخاتي لبكره وش مثلا سمبوسه وفطاير وشوربه وهكذا
احط مقادير السنبوسه الجافه مع بعض والسوائل بجنبها واغطيهن واسوي نفس الطريقه بمقادير الفطاير وباقي طبخاتي
لما اصحى ثاني يوم ماجلس احوس ادور وين الطحين ووين ووين وانا صايمه لا بس اخلط واعجن وانا مرتاحه يعني بالكثير بياخذ مني الفطور ساعتين ً
نصيحه خلي قومتك الظهر واللي ماعندها مكيف بالمطبخ تروح تعجن وتحشي افطاير بالمجلس عند المكيف وبكذا ياذن العصر وانتي خالصه المعجنات والشوربه وتسوي القهوه وبس
عشان الوقت قبل المغرب تقري فيه قران لين قبل الفطور وتروحين تحطين فطورك
شرايكم بجدولي اللي ناويه اعمله باذن الله
الله يقوينا ع شغل رمضان مع اني اعشق الشغل واصعب الشغل الا الطبخ اكرهه
سِمُوْ @smo_35
عضوة
يلزم عليك تسجيل الدخول أولًا لكتابة تعليق.
الصفحة الأخيرة
وشهر مبارك عالجميع