شكرا اختى الملاك ياهلا بطلتك كل يوم تشرفيني وتنوريني بافكارك الحلوة
وشكرا لمساعدتك

بنات الفرن الهوائي ما يحتاج تسخينه من قبل أبدا

لأنه يختلف عن بقية الأفران

حتى لو كيك..ما يحتاج يتسخن..حطي الشي في النص وافتحي المروحة وخلاص..وهي تنفع لكل شي...لأنها تخلي الهوا يدخل من جميع الجهات فيستوي الشي كله بنفس الوقت

البيتزا والمعجنات يبغالها الكهربا..شغلوا من تحت بس ولما يبدا يشقر خلاص ولعوا من فوق

والفرن الهوائي ممتاز للحم والدجاج لأنك ما يحتاج تقلبيها طول الوقت خلاص هو يخليها تستوي

والكيك والفطاير عموما ما تنحط في حرارة عالية أبدا..لأنها تنشفها من برا وجوه تكون مو مستوية

خلو الحرارة واطيه والمدة زيدوها

والفرن الهوائي يستهلك حرارة أقل فلازم تنتبهوا اذا كان في وصفة مطلوب الحرارة 190 انتي لازم تقلليها في الهوائي واليكم هذه الأرقام الهامة لدرجة الحرارة ومايعادلها في الفهرنهايت والفرن الهوائي

درجة حرارة C - درجة حرارة F- الفرن الهوائي
100 - 200 - 90
110- 225 - 100 -
130 - 250 - 120-
140 - 275 - 130
150 - 300- 140
-160 325- 150
180-190 - 350-375- 160
200 - 400- 170
220 - 425- 180
230 - 450- 190
250 - 475- 200

**بشايـــــــر**

هلا والله وغلا .. :)

مشكورة على هالمعلومات ..

لكن .. أنا عندي العكس ..

أنا والله أشغل الفرن قبل بوقت ويطوووووووول مايصير حار ..

أخاف فرني غير!؟

حتى بالنسبة لدرجة الحرارة ..
قريت في علبة الهمبرجر اللي كتبت في الرد السابق ..
انك تزيدين درجة حرارة فرنك لو كان هوائي!!

ماأدري وش تشوفين أختي بشاير؟؟

أم دحومي

أنا أول كنت أولع الفرن من قبل ويالله دايما المعجنات ناشفه والبيتزا تطلع مو حلوة...

كلمت الشركة حقت البيت ورسلولي كتيبات صغيرة عن الأفران الهوائية وجلست أقرا فيها ولقيتها كلها تقول انه الفرن الهوائي يستهلك حرارة أقل فلازم تنقصي الحرارة اذا تبغي تستخدميه..وكمان ما يتولع من قبل لأنه يحمى على طول..أنا أسوي كده في الكيك وماشاء الله ينجحوا معايا..

المهم اهم شي انت مرتاحه مع فرنك وينجح معاكي

وهذا الجدول نقلته من الكتاب :)

شكرا للاخت بشاير لمشاركتك وبصراحة اني المشكلة في فرني انه مافي اي شى من تحت الفرن عبارة عن مروحة من خلف وشواية فوق وهاي مشكلة لان الاكل بيستوي من فوق والتحت لا وشكرا لجميع المشاركات وان شاء الله نصل لحل