استعمال خطير للاسكينول راح يعجبكم

سلام بنات


قريت موضوع بالقسم عن استعمالات الاسكينول فحبيت اكتب استعمالي له بموضوع بروحه لانه جدا فادني بموضوع يهمنا جميعا

انا استعمل ماكينة السيلك ايبل لازالة شعر الساقين ودوم كنت اعاني من حبوب على الساقين لان الشعر يطلع تحت الجلد وشكلهم مب حلو وكنت محتاره كيف اخفيهم ومتضايقه منهم والحل اللي فادني و خلصني منهم كان الاسكينول

شوفوا بنات بعد اذاله الشعر وبعد الحمام وتنشفين جسمج بالفوطه هاتي قطنه عليها اسكينوا امسحي الساقين اللي نزعتي منهم الشعر مسح كامل وبعد ماينشفون من الاسكينول ادهنيهم بزيت جونسون للاطفال وماراح تطلع بعدها حبوب ابدا والشعر راح يطلع طبيعي

انا عن تجربه فادتني هالطريقه واعتقد السبب ان الاسكينول فيه كحول ويطهر ويسكر المسامات بعد ازاله الشعر والزيت يطري الجلد

اتمنى تفيدكم هالطريقه مثل مافادتني

وعلى فكره الاسكينول اللي استخدمه هو الليمون الاصفر

دعواتكم ياحلوين :)