مساء الخيرات و الورد و الياسيمن
و مساء السعادة و الحب و الرضي من الله
خلوني اعرفكم الاول ايه حكاية الجبس و ايه حكاية الدقيق
بس من غير تريقة يا جماعة لاني الحمد لله دلوقتي بقيت طباخة ممتازة و مش بعيد في يوم تشتروا كتبي في الطبخ زي زي ابلة نظيرة:35:
(او حتي ابلة نظيفة بتاعة القطنة اياها)
وانا صغيره قررت اساهم في العمل المنزلي:icon28: و اعمل سمك مقلي
و عشان تفهموا الوضع كان عامل ازاي يوميها
انا كنت في البيت فانا قولت اعمل اكلة سمك حلوة لبابا وماما واخواتي وكان خالي عندنا ( من حظه طبعا ههههههه)
بعد م نظفت السمك و كدا و جهزت عدة الشغل و جت اللحظه الحاسمة(اللي هي لحظة القلي)
بدور في المطبخ ف لقيت كيس فيه مسحوق ابيض قولت اكيد دا الدقيق و بدات بقي اقلب السمك في الدقيق و ارمي في الزيت
بعدين الوقت بيا طال و انا واقفة ادام الطاسة و السمك مش راضي يتحمر:09:
السمك كله بقي ماسك في بعضه و زي متكون اتجبس
طبعا كان مستحيل اشك ان العيب فيا او في الدقيق اللي لونه ابيض زي الفل ادامي
طبعا شكيت ان العيب يا في الزيت يا في الطاسة يا في النار يا في الاضاءة مش مخلياني شايفة كويس
و عملت دور تاني و تالت لحد م جت ماما وخالي و حصلهم زهول و هما شايفيني بقلب السمك اللي هما مفروض ياكلوه في الجبس الابيض ولقيت الاتنين بيموتوا من الضحك
بس متخافوش محدش كله
بس علي فكرة الغلطة غلطة اللي حط الجبس مكان الدقيق:22:
و في مواقف تانية بس الحمد لله مفيش خسائر في الارواح
بس الفشل بداية النجاح فعلا
***
و في انتظار تجاربكم-ان احببتم التحدث عنها
و اهو يبقي الموضوع اسمه:"كشف المستور"