استغرب من اللي............

قبل فترة كتبت موضوضع في احد المنتديات كان اسمعه زمن العجائب حاولت ادوره بس ما لقيته فحبيت ارجع اعيده مع انه مو بنفس الاسلوب لانه الاسلوب اختفى مع الاولاد ودوشتهم ههههه
عموما الموضوع فكرت ارجع اكتبه لما اشوفه من تناقضات سواءا في المنتدى او الحياة العامة
الموضوع وما فيه اني استغرب من بعض الناس اللي تعطيك دروس في الدين وفي الحشمة والستروحكم لبس العبايات المخصرة وووو لكن اا جيتي على مناسبة تلاقينها اهي اول المفسخات والفستان كاشف اكثر مما هو ساتر
طيب وين راحت حدود عورة المراة على المراة
استغرب من اللي تقول عيد الميلاد حرام وها شي طبعا لا جدال فيه لكن اا جات ذكرى زواجها تلاقينها تفر في هالمنتديات ودور افكار عشان تسوي حفلة عيد زواجها واذا قلتي ليش تقولك هاي ذذكرى ماهو عيد
اساغرب من اللي اذا جبتي سيرة بلدها ولا قبيلتها ولا عائلتها تقوم تسب وتلعن وتخانق لكن اذا جا طاري جنسية ثانية يا سلام على الاسهاب في الردود وكشف كل عيوب هالجنسية الصحيح والغير صحيح والتعميم طبعا حدث ولا حرج
اذا فتح موضوع عن الدين تقول ما احد غيررنا متمسك بدينه وما ادري وشو بس اذا انفتح موضوع ما عجبها تلاقي انواع المسبات والالفاظ التي لا تليق لا بمسلم ولا غير المسلم اين نحن من المبادئ التي تعلمناها من ديننا الحنيف اليس الدين المعاملة
نيجي للشغالات الشغالة يا قلبي عليها تشتغل 16 او 17 ساعة في اليوم وقليل من يعطيها اجازة اخر الاسبوع يوم مع انه اغلب الدول تطلب في العقد يوم اجازة في الاسبوع وطبعا مو منحقها تقول تعبت لازم تشتغل مثل (.....) ومستكثرين عليها هالراتب ال600 ريال لكن احنا الوظيفة المريحة والمكيف شغال 24 ساعة والراتب ما شاء الله ومع لك قليل منا من يحلل راتبه ويشتغل بضمير واذا رفض المدير يعطيك اجازة من كثر اجازاتك يا ويله هالمدير ما يقدر وما يتعاطف مع موظفينه كانه احنا بشر وهالشغالات فصيلة ثانية
الموضوع فيه كثير من الكلام واذا جا الواحد يتكلم يتعب وما يخلص
يا ريت اخواتي نتناقش في الواقع اللي عايشينه عالم التناقضات اللي صرنا جزء منه ويا ريت تعطوني رايكم في كل نقطة