استغرب من تصرفات أم زوجي اذا اهديتها؟

انا بطبعي اهب اهدي الناس واحب اشوف الفرحة على وجوههم لكن ام زوجي هي الوحيدة اللي ردة فعلها استغربها.
يعني مثلاً هي اي احد يهديها، تنزل هديته حالة واتساب وتكتب اسمه وتشكره. الا انا. مع اني ما اهديها الا الغالي ومن راتبي اجيب لها ذهب بعد. لكن ما عمرها عاملت هديتي زي ما تعامل هدايا الناس.
المهم رمضان هذا سوت حركة استغربتها. رحت انا وزوجي ليلة رمضان للسوق ونسقت لها ورد مع حلا وعود وكتبت لها كرت اهنيها بدخول رمضان.
وزوجي قبل نجي كلم اخته قال ترى انا وفلانة جايين ومعنا شيء لامي. المهم اول ما دخلت البيت لقيت ام زوجي تنتظرني عند الباب وجات خطفت الهدية مني وعطتها بنتها ودوها داخل. ولا حتى قالت شيء ولا شكرتني. وشوي القى عمي جالس بالصالة جنب الباب. تخيلوا حتى ما فتحت الهدية قدامه ولا جابت طاري ولا شيء 😭


يعني احس وش فيها لو زوجك شاف الهدية اللي جاتك احس عادي
المهم بعد نص ساعة زوجي قال وين الحلا اللي جبنا؟
المهم راحت هي وبناتها اختفوا يمكن ربع ساعة وجابوا الحلا بس بدون الباقة تخيلوا وبدون العود.
حركتها غريييبة. انتم وش تحسون تصرفاتها هذي؟ امي تقول لا عاد تهدينها الا اذا زوجك هو بيحاسب