بلعكس مافي احسن من كذه العروس يوم تغلف عفشها تبقي لها ذكراء حلوه ايام الدبش بحد ذاتها حلوه بعدين تعب شو نحن يالحريم نتعب من السوق هههههههههههههههههه والله لو بيدي اخذت لي شقه عند السوق ليلي نهار انا فيه

بالعكس انا اشوفها تجنن الحركه وبسويها لنفسي ان شالله

اما احطها بشنطه ووديها وش يميز عفشي على اني عروس كاني مسافره وجاايه والله تجنن الحركه

والي تقول ماهو لازم احد يشوفها وماحد شايفها لا تنسين ان حنا بزمن ملاقيف لازم يشوفون لو ابره تمر من عندهم

وكاافي انه يشوفه زوجتس قبل الفرحه

انا بزواجي الاول حطيت عفشي كله بشنطه وارسلتها كاني مساافره وجاايه ماكنه شنطة عروس

والحين بزواجي الثااني بسويه وبحط الاول والتتالي من الدبش ^_^

ياختي مدري ليش معقدات لهدرجه كلن وعاادة وكلن تسوي الي تبيه داامتس انتي ماتحبين لاتجبرين احد على انه مايسويها

الله يجزاهم خير بنات الحجاز الي علمونا هالدبش ^_*

هذي عادات وتقاليد عن بعض قبايل السعوديه ولها احنرامها والناس متعودين من اجيال سابقه على هالشي ويشوفون انه شي اساسي عشان كذا يسمونها الدبش عندنا حنا والله ماتفرق كله عاااادي بس في احتفال قبل العرس اذا جت شنط العاروس للبيت بالذات اذا كان يسكنون مع اهل الزوج او بشقه بنفس البيت وصل الله وبارك

هههههههه انا دبشي كنت مرتبته بشنط بس بدون تغليف وتعب اساسا بين ملكتي وزواجي 3 اسابيع بس

((تقبل عادات الناس واحترامها تدل على رقي ووعي الشخص))


مثلا بعض المدن عيب عندهم العروس تنزف ,, احنا العكس عيب عندنا لو ما انزفت
وكل منطقة ولها عاداتها وتقاليدها مدام ماتغضب ربي وش المشكلة ,, كل واحد يسوي
اللي يريحه ..

للعلم لست من الغربية لكن وجهة نظر فقط