قصة
dourh22
من الخاص
قبل فتره
صارت لي مشاكل خاصه في محد يتخيلها
سبحان الله كانت هموم على قلبي انام ابكي اصحى ابكي صرت انطوائيه وادعي ربي يفرج علي
جلست يمكن ٣ شهور سبحانك ربي مدري كيف اوصف نفسي وقتها حاولت اني م اشكي للناس واكتفي بربي وصليت على النبي كثير نمت وصحيت اصلي على النبي احس ٧٠ بالمئه انحزات من همومي صرت اتكلم وبيومين نسيت المشكله
والله لو غيري لتجلس شهور متعذبه بس سبحان الله الصلاه على النبي راحه وهذا الاسبوع نفس الشيء مريت بمشكله قويه جدا حتى انا ماقدر اتحكم ب اعصابي واسال نفسي لمتى بكون كذا
هديت من نفسي وجمعت لي مبالغ كل يوم اتصدق وانويها صدقة عني وادعي ربي يصبرني سبحان الله يابنات توي الان فتحت دولابي وجمعت المبلغ وتصدقت به والله يابنات احس براحه غريبه سبحانك ربي والمشكله انتهت قبل يومين والناس بدت تسال كيف هذي ماتاثرت رغم الكل ضدها بس سبحان الله الصدقه والصلاه ع النبي عجيبه راحه ب النفس وطمأنينه وهدوء وكل شيء الحمدلله على نعم ربي والحمد لله على كرمة والحمدلله على توفيقه والحمدلله على هدايته نصيحتي لكم اذا مريتو بمشكله
بس تصدقو لاتفكرون بحياتكم بعد هذي المشكله سوا خسرتي او نجحتي تصدقو وربي ينعم عليكم ب الراحه والاستقرار وكل شيء
يمكن محد فهم خلاصة قصتي لكن اذا واجهتك مشكله استغفري وصلي ع النبي وتصدقي لو كل يوم ريال ترا فضلها عضيم ولها اثر ايجابي في تغيرك سبحان الله
.
.

وحدة تقول :
انا تأخر الحمل عندي وقالتلي الدكتورة علاجك بيطول ومابتحملين لي عقب ست شهور لانك لازم تاخذين فيتامينات واشياء كثيره
والله ثم والله ماكملت اسبوعين ورحت لموعدي وتفاجأت قالت انتي حامل سبحان الله هذا كله لاني خلال هالاسبوعين لساني ماوقف من الاستغفار والحمدالله جبت احلى بنوته وقلت لاختي اللي من سبع سنين متزوجه وماحملت والله تمت تستغفر وحملت من بعدي ب3شهور .
.

قصة
مره كنت استغفر بس من باب غفران الذنوب فجاه فتحت انستقرام ولقيت شي كنت ابغاه من شهور بربع سعره سبحان الله.

وحده تقول :
اول شي حصلي كنت وقتها اتمنئ اروح مكه وجلست اسبح واستغفر تقريبا 300 مره وهذي اول مره اذكر الله بهالعدد والله انها بنفس اليوم تيسرت لي العمره

‏﴿ يا أيّها الذين آمنوا اذكروا الله ذكرًا كثيرًا﴾ ؛ كلّما زاد ذكرك لله كلّما زاد بُعدك عن صفات المنافقين ؛ ﴿ ولا يذكرون الله إلّا قليلًا ﴾.