السلام عليكم حبيبتي انا الله يسلمك من عرفت نفسي استغفر وتنحل أموري لما كنت ادرس انا متخرجه من زمان ماأحب الدراسه والمذاكره اغصب نفسي لكن آخر سنه خفت كانت صعبه وخفت ارسب والكل يتخرج الا انا ومن قبل الاختبارات بديت استغفر وربي سهلت المواد عليا مره وكنت اروح وانا مستانسه حتى البنات يستغربون مني لصعوبة المواد لكن ماكنت اشيل هم شيء لاني وكلت الأمر لربي والحمدلله تخرجت وهذا انا لي سنين ماتوظفت لكن ربي بأذن الله مخبي لي الأجمل دائما الحمد لله متفائله كثير، وترا قصص كثير حصلت معي. وكانت مستحيله وربي فرج همي فيها لكن ذي الي ذكرتها حاليا، وابدا مو لازم يكون في سبب اننا نستغفر مافيه اجمل من ان تغفر ذنوبك من قول بسيط. وذكر مايحتاج تعب ولا مجهود، والله يشفيني ويشفي مرضى المسلمين واللهم اغفر لي ولوالدي ولجدتي والمسلمين والمسلمات الاحياء منهم والاموات ، ولا حول ولا قوة الا بالله رددوها دائما ربي يسعد صاحبه الحساب ويسعدكم جميعا
.

‏خفيفتان على اللسان
‏ثقيلتان في الميزان
‏حبيبتان إلى الرحمن
‏
‏"سبحان الله وبحمده
‏سبحان الله العظيم"

قصتي قصيرة ويمكن ماتعني لكم شي بس انا تعني لي كثير اكتشفت ان ربي اقرب من حبل الوريد حتى لو مادعيتي بس مجرد تتقربين لربي وتعطينه اللي يحب وتستغفرين الله مايردك بس الابتلاءات اللي تجيك اختبار لصبرك وتكفير ذنوبك
انا من كم يوم والله مادعيت ولاشي بس قلت فنفسي يالله ودي اروح اعتمر اكفر عن ذنوبي وادعي باللي اتمناه
اقسم بالله العظيم ان امي راحت والله ماقلت لها كلمت اخوي قالت ود اختك عمرة محتاجه لها لاني تعبانه
وجاني اخوي قال ترى حجزت للعمرة واعتمرت يارب لك الحمد
.

اخوي موظف وراتبه على قده وهو بيتزوج ولايقدر على المصاريف كلها قلت له ياخوي عليك بالاستغفار والله انه رزق وفرج ولا تطلب من الناس مساعده اطلبها من الله والله مامر اسبوع الا جاه هديه من شخص مبلغ كبير يغطي المهر والشبكة وتكاليف الزواج لانه احنا زواجاتنا بسيطه الحمدلله واخوي يقولي انه ملازم الاستغفار ويدعي من قلب ربي يرزقه .
قصة ....
.

‏لتسعد في حياتك وتجاب لكَ دعواتك ، عود نفسك على كثرة ذكر الله : استغفر ، وسبح ، و كبر ، وهلل، واحمد الله ، فالذاكر لله من اقرب الناس إليه